LEVÍTICO 7:36 - Dios Rimashcata Quillcashcami

³⁶ Israelcuna Diosman cushca aichataca Mandac Diospac cura cachunmi, aceitehuan cahuishca punzhamanta pacha paicunaman cuchun mandarca. Paicunapac huahua huahuacunapish chashnallatac ruhuachunmi mandarca.

LEVÍTICO 7:36 Referans Kwoze

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

LEVÍTICO 8:30

Chai quipami Moisesca altarpi tiyac yahuartapish, cahuina aceitetapish japishpa Aaronpipish, paipac churicunapipish, paicunapac churanacunapipish chiraparca. Chashna ruhuacpimi, Aaronpish, churicunapish, churanacunapish Diospaclla saquirirca.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.