LEVÍTICO 7:11 - Dios Rimashcata Quillcashcami

¹¹ Mandac Dios-huan alli tucungapacca cashnami ofrendata cuna:

LEVÍTICO 7:11 Referans Kwoze

EZEQUIEL 45:15

Cutin animalta cushpa, tucui rupachingapac, Dios-huan alli tucungapacca Israelpi tiyac ovejacunamanta alli huira ovejatami cada patsacmanta shucta cuna can.

LEVÍTICO 7:10

Grano ofrendataca aceitehuan chapushca cacpipish, mana cashpaca chaquishca cacpipish, Aaronpac churicunami pacta pacta japinga.

NÚMEROS 7:23

Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Zuarpac churi Natanaelpac ofrendaca carca.

2 CRÓNICAS 33:16

Chai quipaca Mandac Diospac altarta cutin allichishpami, Dios-huan alli tucungapac animalcunata huañuchishpa, chai altarpi rupachirca. Shinallatac Judá llactapi causaccunataca israelcunata Mandac Diosta servichunmi mandarca.

PROVERBIOS 7:14

“Dios-huan alli tucungapacmi animalta huañuchishpa cusha nishcataca cunan pactachircani.

AMÓS 5:22

Ñucaman animalta cushpa tucui rupachicpipish, ofrendata cucpipish, mana chasquishachu. Ñucahuan alli tucungapac huira animalta ñucaman cucpica, ricunallatapish mana ricushachu.

LEVÍTICO 7:29

«Israelcunataca: “Mandac Dios ñucahuan alli tucungapac animalta rupachishpa cungapacca Mandac Diospac ñaupamanmi apamuna can.

LEVÍTICO 19:6

Ñucaman cushca animal aichataca chai punzha, cayandi punzhami micuna canguichic. Ashtahuanpish quimsa punzha tucucpica, chaica tucui rupachinami canguichic.

LEVÍTICO 22:29

Mandac Dios ñucata pagui nishpa cushpaca, ñuca chasquinallata cunguichic.

2 CRÓNICAS 29:31

Chai quipami Ezequiasca: «Cunanca, cancunaca ñami Diospaclla canguichic. Chaimanta animalcunata Diosman cushpa huañuchingapac, Mandac Diospac huasipi paita pagui ningapac cuchuyaichiclla» nirca. Shina nicpimi, achca gentecuna Mandac Diosta pagui nishpa animalcunata cushpa huañuchingapac apamurca. Alli shunguta chariccunaca paicunapac munaimantami animalcunata tucui rupachingapac apamurcacuna.