LEVÍTICO 7:1 - Dios Rimashcata Quillcashcami

¹ Pandarishcamantaca cashnami Diosmanca ofrendata cuna can. Chai ofrendaca Diospaclla chicanyachishcami.

LEVÍTICO 7:1 Referans Kwoze

LEVÍTICO 6:25

«Aaronmanpish, paipac churicunamanpish juchata pichachun ima shina ofrendata cuna cashcata huillai. Tucuita rupachina altarllapitacmi juchata pichachun cushca ofrendatapish Mandac Dios ñucapac ñaupapi huañuchina can. Chaica Diospaclla chicanyachishcami.

LEVÍTICO 6:17

Chaicunataca mana levadurahuan chapushpa cusanachu. Pandarishpa, juchallishcamanta Mandac Diosman cushcacunaca Diospaclla chicanyachishcami. Paicunallami chaicunataca micuna can.

LEVÍTICO 5:14

Mandac Dios Moisesta rimashpaca:

EZEQUIEL 46:20

Chaimantaca: «Caipimi curacunaca juchamanta, mana allita ruhuashcamanta ñucaman cushca animal aichataca yanunga. Canzhaman mana llucchishpami, grano ofrendataca chai ucullapitac yanunga. Canzhaman llucshicpica, gentecuna ñucapaclla tucungami» nirca.

EZEQUIEL 44:29

Paicunaca ñucaman cushca grano ofrendata, juchacunamanta animalta cushcata, animalta rupachishcatami micunga. Israelcuna tucui ñucapaclla cachun chicanyachishcacunaca paicunapacmi canga.

EZEQUIEL 40:39

Chai ucuman yaicuna pungupica cada ladomanmi ishcai mizacuna tiyarca. Chai jahuapimi Diosman cushpa tucui rupachina animaltapish, juchamantapish, pandarishcamantapish cushca animalta huañuchina carca.

NÚMEROS 6:12

Chai quipaca cutinmi nazareo tucushpa, Diospaclla chicanyarishpa causai callaringa. Chaipacca shuc huatayuc ima mana tucushca cari ovejatami huañushcapi tuparishpa juchallishcata pichachun Diosman cunga. Pai mapayashcamantaca ñaupa punzhacunapi nazareo tucushcaca yangami saquiringa.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:8

Chaicunataca curami juchamanta cushcatarac Diosman cunga. Chai animaltaca cungata mana tucui pitishpami, ashata cuchushpa huañuchinga.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

2 CRÓNICAS 31:14

Inti llucshina lado pungupica Imna levitapac churi Coremi cuidacurca. Paica gentecuna tucui munaihuan Mandac Diosman cushca ofrendacunatapish, Mandac Diosman cushcata raquinacunatapish, Diospaclla chicanyachishcacunatapish cuidacmi carca.