LEVÍTICO 6:27 - Dios Rimashcata Quillcashcami

²⁷ Imapish chaipi tuparicca Diospacllami tucunga. Shinallatac churanapi yahuar cahuiricpica, Diospaclla chicanyachishca pushtupimi tacshana can.

LEVÍTICO 6:27 Referans Kwoze

ÉXODO 29:37

Canchis punzhacaman altar jahuapi ñucaman cushpa rupachingui. Chashna ruhuacpimi, ñucapaclla chicanyachishca altar saquiringa. Pipish chai altarpi tuparicca ñucapaclla chicanyachishcami saquiringa.

2 CORINTIOS 7:11

Cancuna Dios munashca shina llaquirishcamantami, ima tucushcata yuyarishpa ima shina cashcata entendishpa, allichirishpa, yuyaita japircanguichic. Piñarishpapish, manchana yuyaitami japircanguichic. Ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

SAN MATEO 9:21

Paipac shungupica: “Jesuspac churanapi tuparishpaca alliyashallami” yuyashpami, chashnaca tuparirca.

HAGEO 2:12

Maijan Diospaclla chicanyachishca aichata paipac churanacunapi micllashpa apacucpi, chai churana punta tandapi, cusashca aichapi, vinopi, aceitepi, mana cashpaca ima shuctac micunapi tuparicpica, ¿Diospaclla tucungachu? ningui ninmi» nirca. Shina tapucpi, chai curacunaca: —Mana— nirca.

LEVÍTICO 11:32

Chai huañushca animal imapi tuparishpaca mapayachinmi. Chaica, caspimanta ruhuashca cashpapish, churana cashpapish, caramanta cashpapish, cushtal cashpapish, trabajana herramienta cashpapish mapayangami. Chaicunataca yacupimi satina canguichic. Shinallatac tutayangacamanmi mapa canga. Chai quipami chuya saquiringa.

LEVÍTICO 6:18

Shinallatac chaicunataca Aaronpac churicunami micuna can. Diosman cushpa rupachishcataca Aaronpac huahua huahuacuna huiñaita micuchun mandashcami. Shinallatac chaicunapi tuparicca Diospacllami tucunga» nirca.

ÉXODO 30:29

Chashna ruhuashpami, ñucapaclla cachun chicanyachingui. Chaicunaca ñucapacllami tucunga. Chaipi ima tuparicpica, ñucapacllami tucunga.

SAN MATEO 14:36

Chai ungushcacunaca Jesuspac churana puntallapipish tuparichun saquichunmi mañarcacuna. Jesuspac churanapi tupariccunaca, tucuimi alliyarca.

LEVÍTICO 7:19

Chai aicha tuparishcataca mana micushpa, tucui rupachinami can. Diosman cushca aichataca mana mapayashcacunallami micuna can.

EZEQUIEL 44:19

Canzha pamba gentecunapacman llucshishpaca, ñucata servingapac churarishca churanataca chicanyachishca ucucunapimi saquina can. Chai churanacunallahuantac llucshishpa, canzhapi cac gentecunata ñucapacllata mana ruhuangapacmi shuctac churanata churarina can.