LEVÍTICO 4:3 - Dios Rimashcata Quillcashcami

³ Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

LEVÍTICO 4:3 Referans Kwoze

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

LEVÍTICO 9:2

cayashpami, Moisesca Aarontaca: «Juchata pichachun Diosman cungapacca shuc becita, tucuita rupachingapacca ima mana tucushca cari ovejata apamungui. Chaicunataca Diospac ñaupaman apamushpa cungui.

LEVÍTICO 4:14

Chai jucha yacharicpica, shuc becitami Dios-huan tupana huasi yaicunaman apamuna can.

HEBREOS 5:3

Chaimantami paipish urmanalla cashcamanta, paicunapac juchacunamanta, shinallatac tucui gentecunapac juchacunamanta animalcunata Diosman cushpa, rupachina can.

ESDRAS 8:35

Chai quipami prezu apashcamanta cutimushca gentecunaca israelcunapac Diosman animalcunata cushpa tucuimanta rupachirca. Paicunaca chunga ishcai becita, iscun chunga sucta cari ovejata, canchis chunga canchis maltón ovejata, chunga ishcai cari chivota, juchamanta Mandac Diosman cushcacunatapish tucui rupachirca.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

EZEQUIEL 43:19

Sadoc curapac huahua huahua levita curacunami ñucata servingapac cuchuyanga. Paicunamanca juchacunamanta cushca shuc becita cungui.

ÉXODO 29:21

Altar jahuapi cac yahuartapish, aceitetapish japishpa Aaronpac, paipac churicunapac jahuapi shinallatac paicunapac churanapi chirapangui. Shinami Aaronpish, paipac churicunapish ñucapaclla chicanyachishca canga.

ÉXODO 29:14

Ashtahuanpish beci carata, aichata, huanutaca carpa huasimanta llucchishpa rupachingui. Chai ofrendaca juchamanta cushcami.

ÉXODO 29:7

Quipaca aceitehuan Aaronpac umapi cahuingui. Chashna ruhuacpimi, ñucapaclla saquiringa.

NÚMEROS 8:8

Chaimantaca shuc huagratapish, alli harinatapish aceitehuan masashpami apamuna can. Juchata pichachunca shuc huagratami apamuna can.

LEVÍTICO 16:11

Aaronca paipac juchamantapish, paipac familiapac juchamantapish Diosman cungapacmi becita apamuna can. Chashnami becitaca juchata pichachun huañuchinga.

LEVÍTICO 16:6

Quipaca Aaronca paipac juchata, paipac familiapac juchata pichachun cungapacmi shuc becita apamunga.

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

LEVÍTICO 5:6

Mandac Diosman shuc malta ovejata, mana cashpaca shuc malta chivota cuna can. Chaitaca curami chai runapac juchamanta Mandac Diosman cunga. Shina cucpimi, chai juchataca Diosca perdonanga.

ÉXODO 30:10

Cai altarca ñucapaclla chicanyachishcami canga. Chaimantami juchacunata perdonachunca, huatapi shuc cutin Aaronca animal yahuarta altar gachucunapi cahuinga. Shinallatac huatapi shuc cutinllami juchamantaca animal yahuarhuan cahuinga. Chaitaca huiñaitami ruhuana can» nirca.

HEBREOS 9:12

Jesucristoca mana chivocunapac, becicunapac yahuarta Diosman cungapacchu Diospaclla chicanyachishca ucuman yaicurca, ashtahuanpish paipac quiquin yahuarta ñucanchicta huiñaita juchapi huatashcamanta cacharichingapacmi shuc cutinlla yaicurca.

LEVÍTICO 4:5

Aceitehuan cahuishca curallatacmi chai beci yahuarta japishpa, Dios-huan tupana huasiman apanga.

LEVÍTICO 4:23

Chashna juchallishcata yachac chayashpaca, ima mana tucushca chivotami cuna can.

LEVÍTICO 4:28

Chashna juchallishcata yachac chayashpaca, ima mana tucushca huarmi chivotami Diosman cuna can.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

2 CRÓNICAS 29:21

Chaipica mandacpac juchacunamantapish, Diospac huasimantapish, Judá llactamantapish cungapacmi canchis becita, canchis carnero ovejata, canchis malta ovejata, canchis cari chivota Diosman apamurcacuna. Jatun mandacca Aaronpac huahua huahuacunatami, Mandac Diosman cushpa, chai animalcunata altarpi rupachichun mandarca.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 1:10

Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can.

LEVÍTICO 6:18

Shinallatac chaicunataca Aaronpac churicunami micuna can. Diosman cushpa rupachishcataca Aaronpac huahua huahuacuna huiñaita micuchun mandashcami. Shinallatac chaicunapi tuparicca Diospacllami tucunga» nirca.

LEVÍTICO 9:3

Cutin israelcunataca: “Juchata pichachun Diosman cungapacca shuc cari chivota, tucui rupachingapacca shuc huatayuc becita, cari ovejata apamuichic.

LEVÍTICO 16:3

Aaronca ñucapaclla chicanyachishca ucumanca juchata pichachun cungapacca shuc becita, tucui rupachingapacca shuc cari ovejatami apashca yaicuna can.

LEVÍTICO 16:5

Aaronca tandanacushca israelcunamantami ishcai chivotaca, juchata pichachun cungapac, cutin shuc cari ovejataca tucui rupachingapac apamuna can.

EZEQUIEL 40:39

Chai ucuman yaicuna pungupica cada ladomanmi ishcai mizacuna tiyarca. Chai jahuapimi Diosman cushpa tucui rupachina animaltapish, juchamantapish, pandarishcamantapish cushca animalta huañuchina carca.

EZEQUIEL 44:27

Ñucata servingapac ñucapac huasi ucu pambaman yaicui punzhaca juchamanta animalta cushpa, ñucaman rupachichun. Chaitaca Mandac Dios ñucami nini.