LEVÍTICO 3:8 - Dios Rimashcata Quillcashcami

⁸ chai oveja umapi maquita churashpa Dios-huan tupana huasi ladopi huañuchinga. Aaronpac churi curacunami chai yahuartaca altar muyundipi chirapanga.

LEVÍTICO 3:8 Referans Kwoze

LEVÍTICO 1:5

Chai becitaca Mandac Diospac ñaupapimi huañuchina can. Chai beci yahuartaca Aaronpac churi curacunami Dios-huan tupana huasi yaicunapi cac altar jahua muyundipi chirapanga.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

2 CORINTIOS 5:19

Diosca gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dios-huan alli tucunata huillaccuna cachunmi, ñucanchicman mingarca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

LEVÍTICO 4:24

Chai chivopac umapi maquita churashpami, tucuita rupachina altar jahuapi, Mandac Diospac ñaupapi huañuchinga. Chaica juchamanta cushcami canga.

LEVÍTICO 4:15

Chaitaca israelcunata pushac yuyaccunami chai becipac umapi maquita churashpa, Mandac Diospac ñaupapi huañuchinga.

LEVÍTICO 4:4

Chai becitaca Dios-huan tupana huasi yaicunapi Mandac Diospac ñaupapimi maquita becipac umapi churashpa huañuchinga.

LEVÍTICO 3:13

chai chivopac umapi maquita churashpa, Dios-huan tupana huasi ñaupapi huañuchina can. Chai yahuartaca Aaronpac churi curacunami altar jahua muyundipi chirapanga.

LEVÍTICO 1:11

Chai animaltaca altar jahua ladopimi Mandac Diospac ñaupapi huañuchina can. Chai yahuartaca Aaronpac churi curacunami altar muyundipi chirapanga.

LEVÍTICO 1:4

Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga.