LEVÍTICO 26:26 - Dios Rimashcata Quillcashcami

²⁶ Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

LEVÍTICO 26:26 Referans Kwoze

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

ISAÍAS 3:1

Mandac Diosca Jerusalenmanta, Judá llactamantaca micunatapish, yacutapish anchuchingami.

EZEQUIEL 5:16

Ñucaca huañuchic flecha shina yarcaitami cancunapacman cachasha. Yarcai punzhacunata ashtahuan mirachishpami cancunata tucuchisha. Cancunapac micuipish tucuimi tucuringa.

SALMOS 105:16

Paicunapac llactamanca yalli yarcaitami cacharca. Tucui micuna granocunatami chingachirca.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

EZEQUIEL 4:16

Shinallatac cutin rimashpaca: «Huañunalla runa, Jerusalenpica micuna illangami, pezashcallatami llaquilla micunga. Yacutapish medishpallami manchaihuan ubianga.

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

OSEAS 4:10

Mandac Dios ñucata saquishcamantami micushpapish mana sacsanga. Huahuata charinata munashpapish mana chari pudingachu.

EZEQUIEL 4:10

Chaitaca punzhanta chaupi librata micuna horaspi micungui.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

LEVÍTICO 26:27

Chashna tucucpipish, manallatac cazushpa, millaita ruhuashpa caticpica,

2 REYES 6:25

Chashna muyunacushpa shayacucpimi, Samaria pueblopica achca yarcai callarirca. Shuc burro umataca pusac chunga siclos cullquipi, chaupi libra paloma huanutaca pichca siclos cullquipimi catuc carca.

ISAÍAS 5:10

Quimsa hectaria uvas chagramantaca quimsa chunga canchis litro vinollatami llucchinga. Chunga quintal chaupi muyumantaca chaupi quintal granollatami japinga” nircami.

EZEQUIEL 4:17

Micunapish, yacupish tucuricpica, mancharishpami caishuc chaishuc ñahuipura ricunacunga. Paicunallatac juchata ruhuashcamantami ismushpa tucuringa.

ISAÍAS 9:19

Tucuita Mandac Dios yallita piñaricpimi, cai pachapica nina japirirca. Cai gentecunaca ninata japichina cupa shinami tucurca. Huauquindipurapish mana llaquinacunchu.