LEVÍTICO 26:14 - Dios Rimashcata Quillcashcami

¹⁴ Cancuna mandashcacunata mana uyashpa, mana pactachicpi,

LEVÍTICO 26:14 Referans Kwoze

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

JEREMÍAS 17:27

Ashtahuanpish samana punzhata ñucapaclla cachun mana chicanyachisha nicpi, ñuca mandashcata mana uyacpi, chai samana punzhapi ama imata apashpa Jerusalén pungucunata yaicuchun nishcata mana cazucpica, chai pungucunataca ninata churashpami rupachisha. Chai ninaca Jerusalenpi tiyac mandana huasicamanmi rupachinga. Chai ninaca rupacungallami” ninmi ningui» nirca.

LEVÍTICO 26:18

Chashna llaquichicpipish manallatac cazucpica, canchis cutin yallihuanmi cancunapac juchamantaca llaquichisha.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HECHOS 3:23

Pipish chai huillacta mana cazucca, israelcunapuramanta llucchishcami canga” nishcami.

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

LAMENTACIONES 1:18

Mandac Diosca cashcata ruhuacmi. Ñucami pai mandashcacunataca mana cazurcani. Tucui llactapi causaccuna, ñuca llaquita ricuichicyari. Carihuan manarac charishca solteracunapish, mosocunapish prezu japi tucurcami.

JOSUÉ 23:15

Imatapish mana saquishpami, cancunata Mandac Diosca cancunaman tucui allita pactachishca. Chashnallatacmi cancunata Mandac Dios cushca allpamanta tucuchingacaman paipac mana alli nishcacunapish pactanga.

JUECES 2:15

Mandac Dios nishca shinami, paicuna maiman ricpipish Mandac Diosca paipac maquihuan llaquichicurca. Mandac Dios pactachingapac ari nishca shinami israelcunaca mai llaquita apacurca.

1 SAMUEL 12:15

Ashtahuanpish Mandac Dios mandashcacunata mana cazushpa, pai nishcatapish mana uyashpa cariyacpica paipac maquihuanmi cancunatapish, cancunata mandactapish llaquichinga.

2 CRÓNICAS 7:19

Ashtahuanpish ñuca mandashcacunata, ñuca yachachishcacunata saquishpa, huashaiman cutirishpa, shuc dioscunata servishpa alli nishpa causacpica,

PROVERBIOS 3:33

Mandac Diosca paita mana manchacpac huasitaca maldiciangami. Ashtahuanpish cashcata ruhuacpac huasitaca bendiciangami.

JEREMÍAS 11:8

Shina mandacucpipish, mana cazurcacunachu, mana uyasha nircacunachu. Ashtahuanpish paicunapac shungupi mana allita yuyaricushcatami ruhuashpa catirca. Chaimantami ñuca ari ninacushpa rimashcapi nishca shina, paicunata llaquichigrini. Chai rimashcata pactachichun mandacpipish, mana pactachircacunachu” ninmi ningui» nirca.

JEREMÍAS 26:4

Paicunataca: “Mandac Diosca: Ñuca rimashcata mana uyashpa, cancunapac ñaupapi ñuca churashca mandashcacunata mana cazucpi,

JEREMÍAS 28:8

Chaica, sarun huatacunapi canpish, ñucapish manarac tiyacpimi, huillaccunaca llactacunapipish, jatun llactacunapipish macanacuicuna, llaquicuna, yalli ungüicuna tiyanata huillashca.

JEREMÍAS 40:2

Soldadocunata mandac Nabuzaradán Jeremiasta cayashpaca: «Canta Mandac Diosmi cai llactata llaquichinata huillarca.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

OSEAS 7:12

Paicuna chaiman ricpimi, paicunapac jahuapi ñuca linchita shitashpa japisha. Volac animalcunata shinami urmachisha. Paicuna bullashpa shamucucta uyashpami llaquichisha.

2 REYES 22:13

«Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

2 CRÓNICAS 34:24

ñucami jatun mandacpac ñaupapi rezashca libropi tucui nicushca shinaca cai llactatapish, cai llactapi causaccunatapish llaquichigrini.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.