LEVÍTICO 25:50 - Dios Rimashcata Quillcashcami

⁵⁰ Randic runahuanmi caturishca huatamanta cacharirina huatacaman mashna huata tiyashcata yupana can. Mashnapi caturishcatapish, caturishca punzhamanta mashna huata servishcatapish yupashpami, shuc runa trabajashcamanta mashnata japic cashcata ricushpa cutichina can.

LEVÍTICO 25:50 Referans Kwoze

ISAÍAS 21:16

Mandac Diosca ñucataca: «Caimanta huata quipaca Cedar aillupac huahua huahuacuna sumac cashcaca, caipi chaipi trabajashpa puric runapac huata shinami chingaringa.

ISAÍAS 16:14

Cunanmi Mandac Diosca: «Quimsa huata quipaca sumaimana Moab llactaca chaipi tucui causaccunandimi cumurichishca canga. Chai huatacunaca caipi chaipi trabajashpa puric runapac huatacuna shinami canga. Maijan uchillacuna, fuerza illaccunami saquiringa» ninmi.

JOB 14:6

Paita can cungaricpica, huañungallami. Trabajac runa shinami punzha tucuricta shuyacun.

DEUTERONOMIO 15:18

Chai cancuna randishca runaca sucta huatatami shuc trabajac runa japina chaupi pagota japishpa servirca. Chaimanta paita cacharicushpaca ama caita chaita yuyashpa cachanguichiclla. Chashna cachacpimi, Mandac Diosca tucui cancuna ruhuashcata bendicianga.

LEVÍTICO 25:53

Paitaca ama sinchita mandashpa charinguichu, ashtahuanpish cullquimanta trabajac runa shinata charingui.

LEVÍTICO 25:40

Paica shuc trabajac runa shina, shinallatac shuctac llactamanta shamushca runa shinami canhuanca causana can. Paica cacharirina huatacamanmi chashna servinga.

LEVÍTICO 25:28

Ashtahuanpish allpata cutichingapac mashna valishcata cungapac mana charicpica, chai allpaca huatashca shinamanta cacharirina huatacamanmi chai randicpacllatac canga. Chai huata pactacpimi, chai allpaca paillamantac cutinga.

LEVÍTICO 25:49

Mana cashpaca paipac tio, primo, chashnallatac maijanpish paipac cuchulla familiacunami cacharichi pudin. Mana cashpaca paillatac cullquita cutichi pudishpaca, paillatacmi cacharirina can.

LEVÍTICO 25:51

Achca huatacuna servina tiyacpica, tucui chai huatacunamantami catushca cullquillatatac cutichina can.