LEVÍTICO 25:35 - Dios Rimashcata Quillcashcami

³⁵ Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

LEVÍTICO 25:35 Referans Kwoze

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

1 JUAN 3:17

Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?

HECHOS 11:29

Chashna huillacpimi, Antioquía pueblo criccunaca paicuna imallata cui pudishcata Judea llacta criccunaman cuchun cachanata yuyarirca.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

SALMOS 41:1

¡Huaccha runata llaquicca cushicunmi! Llaqui punzhacunapica, Mandac Diosmi quishpichinga.

SALMOS 37:26

Paica ima punzhapish llaquishpa mañachinllami. Paipac huahua huahuacunapish bendiciashcami canga.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

GÁLATAS 2:10

Shinallatac huacchacunatapish yuyarichunmi nircacuna. Chaitaca tucui shunguhuanmi pactachina yuyailla cani.

2 CORINTIOS 9:1

Diospaclla caccunaman cullquita cushpa ayudachun nishpaca, ña mana quillcanachu cani.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

ROMANOS 12:20

Dios quillcachishcapica: “Canta piñac yarcaihuan cacpica, carangui. Yacunayaihuan cacpica, ubiachingui. Chashna ruhuashpami, pingaichishpa ñahuita pucayachingui” ninmi.

ROMANOS 12:18

Tucuihuan cushilla causanata munaichic.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

SAN JUAN 12:8

Huacchacunaca punzhantami cancunahuan. Ashtahuanpish ñucaca mana cancunahuan causacushallachu— nirca.

MARCOS 14:7

Huacchacunaca punzhantami cancunahuan canga. Paicunaman allita ruhuasha nishpaca ruhuanguichicllami, ashtahuanpish ñucaca cancunahuanca mana causacushallachu.

SAN MATEO 25:35

Ñuca yarcaihuan cacpica, cararcanguichicmi. Yacunayaihuan cacpipish, ubiachircanguichicmi. Samarinata mana charicpipish, pozachircanguichicmi.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 17:5

Huaccha runata asicca paita ruhuac Diostami piñachin. Llaquihuan cacpi, cushicuc runaca paipish llaquitami apanga.

LEVÍTICO 25:25

Cancunapuramanta maijan huaccha cashcamanta allpata catucpica, paipac cuchulla familiami randicman cullquita cutichishpa, chai allpataca saquichina can.

LEVÍTICO 19:34

Paicunataca cancunapura cashca shinallatac cancunapac llactapica cuyanguichic. Cancunaca Egipto llactapica pozashpallami causacurcanguichic. Chaimanta cancuna ima shinami cuyaringuichic, chashnallatac paicunatapish cuyanguichic. Ñucami Mandac Dios cani.

ÉXODO 23:9

Cambac llactapi pozashpa causaccunata ama llaquichinguichu. Cancunaca shucpac llactapi cuyailla causanataca yachanguichicmi. Egiptopica cancunaca pozashpallami causarcanguichic.

ÉXODO 22:21

Egiptopica pozashpallami causarcangui. Chaimanta cancunapac llactapi pozashpalla causactaca ama umanguichu, ama llaquichinguichu.

ÉXODO 22:25

Maijan ñuca acllashcapura runaman, cancunahuan causac huaccha runaman cullquita mañachishpaca, ama cullquita mañachiccuna shina interesta cobranguichu.

DEUTERONOMIO 23:19

Huauquiman cullquita, micunata, ima shuctac mañachishpaca, interesta cobraccuna shina ama cobranguichicchu.

NEHEMÍAS 5:1

Chai punzhacunapimi caricunapish, huarmicunapish Judá llactapi causac paicunapac huauquicunahuan piñarirca. Chaimantami

ÉXODO 22:24

Ñucaca nina japiric shina piñarishpami, espadahuan huañuchisha. Cancunapac huarmicunaca viuda, cutin huahuacunaca taita mama illacmi saquiringa.

NEHEMÍAS 5:3

Cutin maijancunaca: «Ñucanchic micuna mana tiyacpimi, ñucanchic allpacunata, uvas chagracunata, huasicunata prendapi churashcanchic» nircacuna.

JOB 31:16

Huacchacuna mañashcata mana cushca cacpi, viuda huarmicunatapish yarcaihuan huañuchun saquishca cacpi,