LEVÍTICO 25:14 - Dios Rimashcata Quillcashcami

¹⁴ Cancunapac ricsishcaman allpata catushpa, mana cashpaca randishpaca ama umanguichicchu.

LEVÍTICO 25:14 Referans Kwoze

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

1 CORINTIOS 6:8

Ashtahuanpish cancunaca chaita ruhuanapac randica, ¡criccunapurami mana allita ruhuashpa shuhuanacunguichic!

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

PROVERBIOS 28:16

Yuyai illac mandacca gentecunata llaquichishpallami mandan. Ashtahuanpish chayucyanata mana munac mandacca unaitami mandanga.

PROVERBIOS 28:8

Cullquita mañachishpa interesta yallita japic runaca huaccha runata llaquic runamanmi huacaichicun.

PROVERBIOS 28:3

Huaccha runa caishuc huaccha runallatatac shuhuashpaca, yallita tamyashpa shamushpa micuna illacta saquic shinami.

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

PROVERBIOS 21:13

Huaccha runa caparishpa mañacpi, mana uyac runataca quipata pai caparicpipish mana uyangachu.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

SALMOS 10:18

Allpallamantac ruhuashca runa ama llaquichishpa catichunmi taita mama illac huahuacunatapish, llaquichishca causaccunatapish ayudashcangui.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

LEVÍTICO 25:15

Cacharirishpa cushicuna huatamanta mashna huata cashcata yupashpa paganguichic. Shinallatac catucpish, mashna huatahuan tarpuna cashcata yupashpami catuna can.