LEVÍTICO 23:4 - Dios Rimashcata Quillcashcami

⁴ Mandac Dios ñucata alli nina, ñucapaclla fiestacunaca caicunami. Chaiman tandanacuchunmi huillana canguichic.

LEVÍTICO 23:4 Referans Kwoze

LEVÍTICO 23:2

«Tucui israelcunataca: “Tandanacushpa ñucapaclla chicanyachishca fiestacunata ruhuashpaca, cashnami ruhuana canguichic.

ÉXODO 23:14

Huatapi quimsa cutin ñucata yuyarina fiestata ruhuangui.

LEVÍTICO 23:37

Chaicunami Mandac Dios ñucapac fiesta punzhacunaca. Cai punzhacunapica Mandac Dios ñucaman cushpa rupachingapac, animalta ñucaman cushpa tucui rupachingapac, grano ofrendata cungapac, animalta huañuchishpa cungapac shinallatac vinota tallishpa cungapacmi ñucapaclla chicanyachishca tandanacuita ruhuana canguichic. Chaicunataca chai punzhallapitac ruhuanguichic.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

LEVÍTICO 23:21

Chai punzhallapitacmi ñucapaclla chicanyachishca tandanacuiman cayana canguichic. Chai punzhapica ima trabajota ama ruhuanguichicchu. Cai mandashcacunaca cancunapac huahua huahuacuna maipi causashpapish huiñaita pactachichun mandashcami can.

NEHEMÍAS 8:15

Chaimantami tucui pueblocunapi, Jerusalenpi causaccunaman huillachun cacharca. Chashna cachashpaca: «¡Chucllacunata ruhuangapac urcuman llucshishpa, olivos ramacunata, sacha olivos ramacunata, arrayán ramacunata, palmera ramacunata, panga jundashca yuracunamanta ramacunata apamuichic!» nishpami mandashcapi nishca shina cacharca.

EZEQUIEL 44:24

Piñanacuicuna tiyacpica, curacunami ñuca mandashca shina taripashpa allichina can. Tucui jatun fiesta punzhacunapica ñuca mandashca shina, ñuca imata ruhuachun nishca shinami ruhuana can. Chashnami samana punzhacunatapish ñucapaclla cachun chicanyachina can.

NAHÚM 1:15

¡Riquichic, sumac causaimanta alli huillaita huillacmi, jahua urcucunata shamucun! ¡Judá llactalla, canca fiestacunata ruhuailla. Can imatapish Diosman cusha nishcataca cuilla. Millaita ruhuaccunaca mana ashtahuan llaquichingachu, chaica ñami tucui chingarirca!

ISAÍAS 29:1

¡Aij, Ariel llactalla! ¡David causana Ariel llactalla! Ima fiestacunata huatanta ruhuashpa cushicuichiclla.