LEVÍTICO 23:17 - Dios Rimashcata Quillcashcami

¹⁷ Cuyuchishpa ñucaman cungapacca cancunapac huasimanta alli harinata levadurahuan ruhuashca ishcai tandata apamunguichic. Caimi punta pucushca granomanta Mandac Dios ñucaman cushcaca canga. Chaicunaca cada tandami chuscu kilo alli harinamanta ruhuashca canga.

LEVÍTICO 23:17 Referans Kwoze

LEVÍTICO 23:10

«Tucui israelcunataca: “Cancuna ñuca cushca llactaman yaicushpa, cosechashpaca shuc gavillata curaman cunguichic. Chai gavillaca punta ñucaman cushcami canga.

NÚMEROS 28:26

Pentecostés punzhapi, punta pucushca granota ñucaman cuna punzhapica, Diospaclla tandanacuita ruhuanguichic. Chai punzhapica ama imata ruhuanguichicchu.

LEVÍTICO 7:13

Diosta pagui ningapacpish, paihuan alli tucungapacpish levadurahuan ruhuashca tortahuanmi cuna can.

ÉXODO 34:26

Cambac allpapi pucushca granomantaca punta ashtahuan alli granota ñucata yuyarina huasiman apamungui. Ama malta chivo aichata mama chivopac lechellahuantac yanunguichu» nirca.

ÉXODO 34:22

Punta pucushca trigo cosechana pentecostés fiestatapish, huata tucuri cosechana fiestatapish ruhuangui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 CORINTIOS 15:20

Ashtahuanpish Cristo huañushcacunapuramanta causarishpaca, (criccunapac causarina callari shinami tucurca.)

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

SAN MATEO 13:33

Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.

NÚMEROS 15:17

Mandac Diosca Moisestaca:

LEVÍTICO 2:12

Punta pucushca grano ofrendataca levadurahuan, abeja mishquihuanpish cui pudinmi. Shina cashpapish chaicunataca Mandac Diosman mishquilla ashnachunca, mana altar jahuapi churanachu can.

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

LEVÍTICO 23:18

Chaihuanca shuc huatayuc ima mana tucushca canchis cari ovejatapish, shuc becitapish, ishcai cari ovejatapish cunguichic. Chaicunami grano ofrendahuan, tallina vinohuan ñucaman cushpa, tucui rupachishca canga. Chashna rupachishcami Mandac Dios ñucamanca mishquilla ashnanga.

NEHEMÍAS 10:37

Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

NÚMEROS 18:12

Israelcuna ñucaman cushca punta pucushca granopish, ashtahuan mushuc alli aceitepish, mushuc alli vinopish, alli granopish canmanmi canga.

NÚMEROS 18:13

Allpapi punta pucushca grano ofrendata ñucaman cushcaca canmanmi canga. Chaicunataca cambac huasipi causac mapa illaccunami micunga.