LEVÍTICO 22:3 - Dios Rimashcata Quillcashcami

³ Shinallatac: “Cancunapac huahua huahuacunamanta maijanpish mapa cashpa, israelcuna Mandac Dios ñucaman chicanyachishcaman cuchuyacca ñuca ñaupamanta anchuchishcami canga. Ñucaca Mandac Diosmi cani.

LEVÍTICO 22:3 Referans Kwoze

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SALMOS 51:11

Cambac ñaupamantaca amatac anchuchichu. Cambaclla Espiritutapish ñucamanta ama quichuichu.

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

NÚMEROS 19:13

Maijanpish huañushcapi tuparishpa, mana armarishca cashpa ñucahuan tupana huasitami mapayachin. Chai runapac cuerpopi chai chuyayana yacu mana chayashca cashcamantaca israelcunapuramanta anchuchishcami canga. Chashna mana chuyayashcamantaca mapallatacmi saquiringa.

LEVÍTICO 22:2

«Aaronta, paipac churicunataca: “Israelcuna ñucapaclla chicanyachishcataca ama mapayachinguichicchu. Ñucapaclla chicanyachishcata mapayachishpaca ñuca shutitami yangapi churanguichic. Ñucaca Mandac Diosmi cani” ningui.

ESDRAS 8:28

Chai quipaca: «Cancunaca Mandac Diospaclla chicanyachishcami canguichic. Diospac huasipi ima tiyashcacunapish, cullquipish, curipish, ñucanchic ñaupa taitacunata Mandac Diosman quiquin munaihuan cushcacunapish Diospaclla chicanyachishcami.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.