LEVÍTICO 22:2 - Dios Rimashcata Quillcashcami

² «Aaronta, paipac churicunataca: “Israelcuna ñucapaclla chicanyachishcataca ama mapayachinguichicchu. Ñucapaclla chicanyachishcata mapayachishpaca ñuca shutitami yangapi churanguichic. Ñucaca Mandac Diosmi cani” ningui.

LEVÍTICO 22:2 Referans Kwoze

DEUTERONOMIO 15:19

Tucui punta huacharishca huagracunata, cari ovejacunata Mandac Diospaclla cachun chicanyachinguichic. Punta huacharishca huagrahuan ama trabajanguichicchu. Punta huacharishca ovejata ama rutunguichicchu.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

NÚMEROS 18:32

Cancuna japishcamanta ashtahuan alli ofrendata alzashpa ñucaman cushpaca, mana paicunapac juchata aparinguichicchu. Chashna ruhuashpami israelcuna chicanyachishpa, ñucaman cushcacunata mana mapayachishpa, mana huañunguichic” ningui» nirca.

LEVÍTICO 22:32

Jucha illac Mandac Dios ñucapac shutitaca ama yangapi churanguichicchu. Israelcunapac chaupipica ñucaca jucha illac cashcatami ricuchina canguichic. Ñucami cancunataca jucha illacta ruhuac Mandac Dios cani.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

ÉXODO 28:38

Chashnami Aaronca chai placataca paipac frentepi apashpa puringa. Chaimi israelcuna ofrendata ñucaman cushpa rupachicushpa, ima pandarishcataca pai apanga. Shina paipac frentepi placata churashca cacpimi, ofrendataca chasquisha.

ÉXODO 13:12

punta huacharishca churicunatapish, animalcunatapish Mandac Diosman cunguichic.

LEVÍTICO 21:6

Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

LEVÍTICO 15:31

Chai shina ruhuacpimi, israelcunaca paicunapac chaupipi cac ñucahuan tupana huasimanca ima mapa illac shamungacuna. Paicunaca mapamanta chuyayana cashca shina, mana chuyayashpa ñucahuan tupana huasita mapayachishpa, ama huañuchunmi chashna yachachina canguichic” ningui» nirca.

LEVÍTICO 22:1

Mandac Diosca Moisestaca:

ESDRAS 8:28

Chai quipaca: «Cancunaca Mandac Diospaclla chicanyachishcami canguichic. Diospac huasipi ima tiyashcacunapish, cullquipish, curipish, ñucanchic ñaupa taitacunata Mandac Diosman quiquin munaihuan cushcacunapish Diospaclla chicanyachishcami.

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

EZEQUIEL 44:8

Shinallatac ñucapaclla ruhuanacunata caru llacta gentecuna ruhuachunmi paicunaman curcanguichic.