LEVÍTICO 21:9 - Dios Rimashcata Quillcashcami

⁹ Curapac ushi cullquimanta huainayashpaca, paipac taitatami mapayachin. Chaimantaca paitaca causactami rupachina can.

LEVÍTICO 21:9 Referans Kwoze

GÉNESIS 38:24

Quimsa quilla quipami Judamanca: —Cambac nuera Tamarca maijan carihuanchari chayarishpa, huicsayuc tucushcami— nishpami huillarca. Shina huillacpimi Judaca: —¡Chaimanta llucchishpa, rupachichic!— nirca.

LEVÍTICO 19:29

Cambac ushi cullquimanta huainayachunpish ama saquinguichu. Chaica cancunapac llactaca huainayashpa causac, millai jundami tucunga.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristota cric, shinallatac imalayapish purishcamanta, mana cazushcamantapish pi mana juchanchishcami cana can.

MALAQUÍAS 2:3

Ñucami cancunapac huahua huahuacunataca llaquichisha. Ñucaman cushpa huañuchishca animal huanutapish cancunapac ñahuipimi shitasha. Cancuna fiestata ruhuashpa, animalta huañuchishca huanundimi cancunataca shitasha.

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

ISAÍAS 33:14

Sión llactapimi juchasapacunaca chucchuncuna. Chashna chucchushpaca: «Ñucanchicpuramantaca, ¿pitac tucuchic ninapi causai pudingayari? Ñucanchicpuramantaca, ¿pitac huiñai huiñaita rupacuc ninapica causai pudingayari?» ninacun.

1 SAMUEL 2:34

Chashnatac cagricushcata can ricuchunmi cambac churicuna Ofni, Fineasca shuc punzhallatac ishcaita huañunga.

1 SAMUEL 2:17

Elipac churicunaca Diosman cushca aichataca yanga cashcatami yuyaccuna carca. Chaimantami paicunapac juchaca Mandac Diospac ñaupapica yallita mana alli carca.

JOSUÉ 7:25

Chaipimi Josueca: —¿Ima nishpatac ñucanchicta chashna llaquipi churarcangui? Cantapish, Mandac Dios cunan punzha llaquichichun— nirca. Chai quipaca, tucui israelcunami rumihuan shitashpa huañuchirca. Shina huañuchishca quipaca tucuimi rupachirca.

JOSUÉ 7:15

Maijan cancunapurapi Dios tucuchingapac chicanyachishca tariricpica, paica pai charishcacunandimi rupachishca canga. Paica Mandac Dios-huan ari nishcata mana cazushpa, israelcunapurapi mana allita ruhuashcamantami chashna rupachishca canga— nirca.

LEVÍTICO 20:14

Maijanpish mamahuapish, huahuahuanpish cazarashpaca mancharina juchatami ruhuan. Chaimantaca quimsatacmi causacta rupachishca canga. Chashna ruhuacpimi, cancunapurapi yalli mancharina juchaca mana tiyanga.

ÉXODO 31:14

Chai punzhaca cancunapac jatun punzhami. Chaimantami huacaichina canguichic. Maijanpish chaita mana cazucca huañuchishcami canga. Chai punzhapi trabajacca israelpuramanta anchuchishcami canga.

DEUTERONOMIO 22:21

paipac taitapac huasi punguman llucchishpami, chai llacta gentecuna rumihuan shitashpa huañuchina can. Chashna ruhuashpami cancunapac chaupimantaca juchata anchuchinguichic. Chai soltera paipac taitapac huasipi shuc-huan chayarishpami israelpurapi millaita ruhuashca.