LEVÍTICO 19:7 - Dios Rimashcata Quillcashcami

⁷ Chai aichata quimsa punzhapi micucca mapami tucunga. Chaica mana chasquishachu.

LEVÍTICO 19:7 Referans Kwoze

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

ISAÍAS 1:13

Ama ashtahuan yanga ofrendacunata cuichicchu. Inciensota rupachishcatapish, llullu quillapi, samana punzhapi cancuna tandanacushcatapish ñucaca millanimi. ¡Cancunapac jatun fiestacunataca mana ricunayanchu!

LEVÍTICO 22:25

Shuctac llacta runa chaicunata Mandac Diosman ñucaman cusha nicpipish ama chasquinguichicchu. Chaicunaca mana alli animalchu. Chaitaca ñucaca mana chasquishachu” ningui» nirca.

LEVÍTICO 22:23

Quiquin munaimanta cushpaca, mana alli huagrata, mana cashpaca cari ovejata cui pudinguichicmi. Shina cacpipish, cushami nishcamanta chashna animaltaca mana cui pudinguichicchu. Chaitaca mana chasquishachu.

LEVÍTICO 19:6

Ñucaman cushca animal aichataca chai punzha, cayandi punzhami micuna canguichic. Ashtahuanpish quimsa punzha tucucpica, chaica tucui rupachinami canguichic.

LEVÍTICO 19:8

Maijanpish chaita micushpa, ñucapaclla chicanyachishcata yangata ruhuac runaca mana alli nishcami canga. Israelcunapuramantapish anchuchishcami canga.