LEVÍTICO 19:26 - Dios Rimashcata Quillcashcami

²⁶ Imatapish ama yahuarndi micunguichu. Brujo canatapish, adivino canatapish ama munanguichicchu.

LEVÍTICO 19:26 Referans Kwoze

2 REYES 17:17

Paicunapac churicunatapish, ushicunatapish chai diosman cushpami ninapi rupachircacuna. Adivinocunapish, brujocunapish tucurcacunami. Mandac Diospac ñaupapica mana allita ruhuashpa causashpami, yallita paitaca piñachirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

DEUTERONOMIO 12:23

Yahuarllata ama micunguichic. Yahuarmi causaita cun. Chaimantami aichataca yahuar illacta micuna canguichic.

LEVÍTICO 7:26

Chaimanta cancuna maipi causashpapish volac animal yahuarta, sacha animal yahuartaca ama micunguichicchu.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

JEREMÍAS 10:2

Paica: «Shuctac llacta gentecuna ruhuashcataca ama yachacuichicchu. Jahua pachapi ima señalcuna ricuricpi, shuctac llactapi causaccuna mancharicucpipish, cancunaca ama mancharinguichicchu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

DANIEL 2:10

Shina nicpimi, paicunaca jatun mandacpac ñaupapi rimashpaca: —Pi jatun mandacpish, pi sinchi jatun mandacpish can tapushca shina, yachaccunaman, lucerota ricushpa yachacuccunaman, caldeocunaman mana tapushcachu.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

ÉXODO 8:7

Brujocunaca paicuna ruhuac cashca shinallatacmi tucui Egipto llactapi sapocunata jundachirca.

ÉXODO 7:11

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

GÉNESIS 9:4

Aichataca ama yahuarndi micunguichicchu. Yahuarmi causaitaca cun.

GÉNESIS 44:5

Ñuca amoca chai vasopimi ubiac carca. Chai vasoca adivinangapacpishmi carca. Chaita shuhuashpami, mana allita ruhuamushcanguichic” ningui— nirca.

LEVÍTICO 19:25

Pichca huata tucucpica, chai yuracuna ashtahuan pucuchunca, chai cancunapac granotaca micui pudinguichicmi. Ñucami cancunata Mandac Dios cani.

DEUTERONOMIO 12:16

Yahuarllata ama micunguichic, yahuartaca yacuta shina, allpapi tallinguichic.

DEUTERONOMIO 15:23

Yahuartaca ama micunguichicchu, ashtahuanpish yacuta shinami allpapi tallina canguichic.

1 SAMUEL 14:32

Chaimantami soldadocunaca chai quichushca ovejacunata, vacacunata, becicunata huañuchishpa aichataca yahuarndi micurcacuna.

1 SAMUEL 14:33

Chaita ricushpami Saulman huillashpaca: —¡Gentecunaca aichata yahuarndi micushpami Mandac Diosta mana cazushpa juchallicuncuna!— nishpa huillarca. Shina huillacpimi Saulca: —¡Cancunaca mana cazuccunami canguichic! Shuc jatun rumita tangashpa caiman apamuichic— nirca.