LEVÍTICO 18:9 - Dios Rimashcata Quillcashcami

⁹ Ama taitapac, mana cashpaca cambac mamapac huahuahuan chayaringuichu. Quiquin huasipi huacharishca cacpipish, shuctac huasipi huacharishca cacpipish, ama chayaringuichu.

LEVÍTICO 18:9 Referans Kwoze

LEVÍTICO 20:17

Maijanpish taitamanta panihuan, mamamanta panihuan chayarinacushpaca mancharina pingaitami ruhuan. Chaimantaca paicunapac llacta gentecuna ricucucpi, ishcaitac huañuchishcami canga. Quiquin panihuan mancharina pingaita ruhuashpaca paillatacmi juchata aparinga.

EZEQUIEL 22:11

Maijancunaca shucpac huarmihuanmi huainayan. Quiquin nuerahuan, quiquin panillahuan sueñushpami pingana juchata ruhuan.

DEUTERONOMIO 27:22

Cutin: “¡Taitamanta, mana cashpaca mamamanta panihuan sueñucca, llaqui tucushca cachun!” nicpica, tucui gentecunami: “¡Chashna cachun!” ninga.

LEVÍTICO 18:11

Ama taitapac quipa huarmipac ushihuan chayaringuichu. Paica cambac lapani shinallatacmi.

LEVÍTICO 18:10

Ama churipac ushihuan, ushipac huahuahuan chayaringuichu. Cambac yahuarpurami.