LEVÍTICO 18:21 - Dios Rimashcata Quillcashcami

²¹ Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

LEVÍTICO 18:21 Referans Kwoze

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

DEUTERONOMIO 18:10

Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,

LEVÍTICO 22:32

Jucha illac Mandac Dios ñucapac shutitaca ama yangapi churanguichicchu. Israelcunapac chaupipica ñucaca jucha illac cashcatami ricuchina canguichic. Ñucami cancunataca jucha illacta ruhuac Mandac Dios cani.

HECHOS 7:43

Ashtahuanpish ruhuashcalla Moloc diostami adorashpa, pai tiyanandi huandushpa purircanguichic. Renfán nishca diospac lucerocunatapish, cancunallatac ruhuashpami adorarcanguichic. Chaimantami cancunataca cai llactamanta llucchishpa, Babilonia llactata pasachishpa, ashtahuan caruman cachasha” nishcami.

MALAQUÍAS 1:12

Shina cacpipish cancunaca: “Mandac Diospac mizapish, chaipi tiyac micunapish millanami” nishpami, yangapi churarcanguichic.

JEREMÍAS 19:5

Baal diosman paicunapac churicunata cushpa tucuita rupachingapacmi altarcunata ruhuarca. Chaicunata ruhuachunca mana mandarcanichu, imatapish mana nircanichu. Shinallatac mana yuyarcanillapishchu.

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

1 REYES 11:7

Chashna cashpami, Salomonca Moab llactapi causaccunapac Quemos mana ricunayachishca yanga diosman Jerusalén chimba lado lomapi shuc altarta shayachirca. Shinallatac Amón llactapi causaccunapac Moloc millana yanga diosmanpish chashnallatacmi shayachirca.

LEVÍTICO 22:2

«Aaronta, paipac churicunataca: “Israelcuna ñucapaclla chicanyachishcataca ama mapayachinguichicchu. Ñucapaclla chicanyachishcata mapayachishpaca ñuca shutitami yangapi churanguichic. Ñucaca Mandac Diosmi cani” ningui.

AMÓS 5:26

Ashtahuanpish Moloc, Quiún dioscunatami ñucata yuyarina huasimanca huandushpa aparcanguichic. Cancuna ruhuashca lucerocunatami aparcanguichic.

EZEQUIEL 23:37

Paicunaca huainayaccunami, huañuchiccunami ruhuashcalla dioscunata adoraccunami. Shinallatac ñucahuan charishca churicunatapish chai dioscunaman cushpami rupachirca.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

2 REYES 23:10

Shinallatac Moloc diosman pipish paicunapac churicunata, ushicunata ama rupachichunmi Hinompac churipac pambapi tiyac Tofet altartapish tucuchishpa, saquirca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

LEVÍTICO 21:6

Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

ROMANOS 2:24

Dios quillcachishcapica: «Cancunamantami mana israelcunaca Diosta mana alli nishpa rimancuna» ninmi.

ROMANOS 1:23

Huiñaita causac, sumaimana Diosta alli nina shinaca, tucuriclla runaman, volac animalman, aisarishpa puric animalman, chuscu chaquiyuc animalman riccha dioscunatami adorarca.

2 CRÓNICAS 28:3

Ben-hinom pugru pambapipish inciensota rupachircami. Paica israelcunapac ñaupamanta llucchishpa cachashca millaita ruhuac gentecuna shinallatacmi, paipac churicunata chai dioscunaman rupachirca.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

EZEQUIEL 20:26

Tucui punta churicunata yanga dioscunaman rupachichun saquishpami, chai rupachishcacunatapish, paicunatapish mapayachircani. Ñucaca Mandac Dios cashcata yachachunmi chashna ruhuarcani” ninmi.

MIQUEAS 6:7

Mandac Diosca, ¿huaranga huaranga cari ovejacunata chasquingachu? Mana cashpaca, ¿chunga huaranga tucyacuc aceiteta cucpica cushicungachu? Ñuca mana cazushcamantaca, ¿ñuca punta churitachu cusha? Ñuca juchamantaca, ¿ñucamanta llucshishca huahuatachu cusha?

LEVÍTICO 24:15

Cutin israelcunataca: “Maijanpish Diospac shutita camishpa rimacca chashna llaquillatatacmi apanga.

2 REYES 17:31

Aveocunaca Nibhaz, Tartac dioscunatami ruhuarcacuna. Sefarvaim pueblopi causaccunaca Adramelec, Anamelec dioscunata alli nishpami, paicunapac churicunata cushpa ninapi rupachircacuna. Chai dioscunaca Sefarvaim gentecunapac dioscunami carca.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.