LEVÍTICO 16:4 - Dios Rimashcata Quillcashcami

⁴ Ñucapaclla chicanyachishca lino tunicataca churashca, lino chumbihuan huatallishca, lino turbanteta churarishcami chai ucumanca yaicuna can. Cai churanacunami ñucapaclla chicanyachishca churanaca. Chai churanataca armarishpami churaringa.

LEVÍTICO 16:4 Referans Kwoze

ÉXODO 30:20

Paicunaca ñucata servingapac, ñucahuan tupana huasiman yaicushpa, altarpi rupachingapac cuchuyangapacca, chai yacuhuanmi jahuaringa. Chashna jahuashpami, mana huañunga.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

LEVÍTICO 6:10

Chai quipami curaca lino churanata churarishpa, ucutaca calzoncillota churarina can. Chashnami tucui rupashca quipaca uchupata altar jahuamanta anchuchishpa, altar ladopi churanga.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

FILIPENSES 2:7

Pai ima shina cashcata saquishpami, ñucanchic shina aichayuc huacharishpa, servic shina tucurca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

LEVÍTICO 16:24

Ñucahuan tupana huasi ucullapitac armarishpami, paipac churanata churarishpa, canzhaman llucshishpa, paimantapish, tucui israelcunamantapish animalta tucui rupachinga. Chashnami, paipac juchatapish, israelcunapac juchatapish pichachun,

ÉXODO 40:12

Aarontapish, paipac churicunatapish ñucahuan tupana huasi punguman pushashpa, yacuhuan armachingui.

ÉXODO 29:4

Aarontapish, paipac churicunatapish ñucahuan tupana huasi yaicunaman pushashpa, armachishpa,

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.

LEVÍTICO 16:23

Chai quipami Aaronca ñucahuan tupana huasiman shamushpa, ñucapaclla chicanyachishca lino churanata llucchishpa, chaipi saquinga.

LEVÍTICO 16:32

Taitapac randi aceitehuan cahuishca, ñucapaclla chicanyachishca curami juchata pichachun ñucaman animalta cunga. Chai curaca ñucapacta ruhuangapac churarina lino churanatami churaringa.

EZEQUIEL 9:2

Jahua lado pungutami sucta runa macanacunata apashca shamucuctami ricurcani. Paicunapac chaupipica lino churanata churashca quillcana tintata cinturapi apashcami shamucurca. Paicuna yaicushpaca, broncemanta ruhuashca altar cuchupimi shayarirca.

EZEQUIEL 44:19

Canzha pamba gentecunapacman llucshishpaca, ñucata servingapac churarishca churanataca chicanyachishca ucucunapimi saquina can. Chai churanacunallahuantac llucshishpa, canzhapi cac gentecunata ñucapacllata mana ruhuangapacmi shuctac churanata churarina can.

LEVÍTICO 6:3

Imata tarishpa, mana cutichishpapish, llullashpa ari nishpapish, maijan juchayuc runa shinallatacmi juchayuc tucun.