LEVÍTICO 16:29 - Dios Rimashcata Quillcashcami

²⁹ Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

LEVÍTICO 16:29 Referans Kwoze

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

NÚMEROS 29:7

Canchis quilla, chunga punzhapica ñucapaclla tandanacuita ruhuashpami, shungupi llaquirina canguichic. Chai punzhapica ama ima trabajota ruhuanguichicchu.

DANIEL 10:12

Shina shayaricpimi paica: “Daniel ama manchaichu. Chaicunata tucui shunguhuan yachacusha nishpa, Mandac Diospac ñaupapi cumurishpa mañashca punzhamanta pachami can mañashcataca uyashca. Can mañashcamantami ñucata cacharca.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

SALMOS 35:13

Paicuna ungushpa llaquilla cacpica, sharpa churanata churarishpami llaquilla purircani. Yallita llaquirishpami ayunashpa ñuca shungupica mañacurcani.

LEVÍTICO 23:36

Canchis punzhatami Mandac Dios ñucaman cushpa rupachina canguichic. Pusacniqui punzhapica ñucapaclla tandanacuita ruhuashpami ñucaman cushpa rupachina canguichic. Chai punzhapica ima sinchi trabajota ama ruhuanguichicchu.

LEVÍTICO 23:21

Chai punzhallapitacmi ñucapaclla chicanyachishca tandanacuiman cayana canguichic. Chai punzhapica ima trabajota ama ruhuanguichicchu. Cai mandashcacunaca cancunapac huahua huahuacuna maipi causashpapish huiñaita pactachichun mandashcami can.

ÉXODO 20:10

Ashtahuanpish canchisniqui punzhaca Mandac Dios ñucapaclla chicanyachishca punzhami. Chai punzhapica canpish, cambac churicunapish, cambac ushicunapish, canta servic caricunapish, servic huarmicunapish, cambac animalcunapish, shuctac llactamanta shamushpa, canhuan causaccunapish ama imata ruhuanguichicchu.

HEBREOS 4:10

Chaica, yaicuccunaca Dios tucuita ruhuashpa samarishca shinami, Dios-huan samaringapac yaicunga. Paicuna imata ruhuashcamantapish samaringami.

1 CORINTIOS 11:31

Manarac micushpa, ñucanchic quiquinllatac ima shina cashcata alli yuyarishpa micushpaca, mana juchanchishcachu canchicman.

DANIEL 10:3

Quimsa semanacamanmi ima mishqui micunatapish mana micurcanichu. Aichatapish, vinotapish mana mallircanichu. Aceitehuanpish mana cahuirircanichu.

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

SALMOS 69:10

Mana micushpa tucui shunguhuan canta mañashcamantami rimashpa pingaichincuna.

ESDRAS 3:1

Israelcuna utcapi causashca pueblocunaman cutimushpa, canchis quillata causacucpimi, tucui gentecuna Jerusalenpi shuc shinalla tandanacurca.

1 REYES 8:2

Etanim shuti canchis quillapimi tucui israelcuna jatun mandac Salomonhuan tandanacurca. Chai quillaca jatun fiestata ruhuana punzhacunami carca.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

ÉXODO 30:10

Cai altarca ñucapaclla chicanyachishcami canga. Chaimantami juchacunata perdonachunca, huatapi shuc cutin Aaronca animal yahuarta altar gachucunapi cahuinga. Shinallatac huatapi shuc cutinllami juchamantaca animal yahuarhuan cahuinga. Chaitaca huiñaitami ruhuana can» nirca.

ÉXODO 12:16

Callari punzhapish, tucuri punzhapish Mandac Diospaclla tandanacuitami ruhuana canguichic. Chai punzhapica mana trabajanachu canguichic. Micunallatami ruhuana canguichic.

HECHOS 27:9

Tauca punzhacunatami unaiyarcanchic. Yacuta ashtahuan rinapish ña mana alli carcachu. Tamya punzhacunapish ñami chayamucurca. Chaimanta Pablo paicunata cunashpaca:

ÉXODO 31:14

Chai punzhaca cancunapac jatun punzhami. Chaimantami huacaichina canguichic. Maijanpish chaita mana cazucca huañuchishcami canga. Chai punzhapi trabajacca israelpuramanta anchuchishcami canga.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

1 SAMUEL 7:6

Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.

ESDRAS 8:21

Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

LEVÍTICO 25:9

Juchata pichana canchis quilla, chunga punzhapi tucui llactapi trompetapi tocashpa uyachinguichic.