LEVÍTICO 16:24 - Dios Rimashcata Quillcashcami

²⁴ Ñucahuan tupana huasi ucullapitac armarishpami, paipac churanata churarishpa, canzhaman llucshishpa, paimantapish, tucui israelcunamantapish animalta tucui rupachinga. Chashnami, paipac juchatapish, israelcunapac juchatapish pichachun,

LEVÍTICO 16:24 Referans Kwoze

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

LEVÍTICO 22:6

Cura chaicunapi tuparishpaca chishicamanmi mapa canga. Cuerpota yacuhuan manarac armarishpaca ñucapaclla chicanyachishcataca mana micunachu can.

LEVÍTICO 14:9

Canchisniqui punzhapica acchatapish rutushpa, cuerpopi tiyac millmatapish, ñahui quingrai millmatapish rutushpa, churanatapish tacshashpa, paipish armarishpami, mapa illac saquiringa.

ÉXODO 28:40

Aaronmanpish, paipac churicunamanpish tunicata, chumbita shinallatac mitratapish sumac jagan nicucta ruhuangui.

ÉXODO 28:41

Aaronmanpish, paipac churicunamanpish chai churanacunata churachingui. Chai quipaca ñucapaclla chicanyachishca cura, mandac cachunca aceiteta umapi churangui.

LEVÍTICO 16:25

cushca animalpac huirataca altarpi rupachinga.

LEVÍTICO 9:7

Shinallatac Moisesca Aarontaca: «Mandac Dios mandashca shina altarman cuchuyai. Juchata pichachun Diosman cushcatapish, tucui rupachina animaltapish rupachi. Cambac juchacunatapish, israelcunapac juchacunatapish Dios perdonachu cui. Mandac Dios mandashca shina, israelcuna Diosman cushcatapish rupachi» nirca.

EZEQUIEL 42:14

Curacunaca Diospaclla ucumanta canzha pambamanca mana chai churanallahuantac llucshinachu can. Ashtahuanpish Diospacta ruhuangapac churanacuna Diospaclla cashcamantami, chai churanata ucullapitac saquishpa, shuctac churanata churarishpa gentecunapacmanca llucshina can» nirca.