LEVÍTICO 15:5 - Dios Rimashcata Quillcashcami

⁵ Pai siririshca camapi maijanpish tuparicca armarishpa, churanatapish tacshanami can. Shina ruhuashpapish, tutayangacamanmi mapa canga.

LEVÍTICO 15:5 Referans Kwoze

LEVÍTICO 11:25

Chai huañushca animalcunata maijanpish apashpaca churanata tacshanami. Shinallatac tutayangacamanmi mapa canga.

LEVÍTICO 17:15

Israelpuramantapish, mana cashpaca shuctac llacta runa cancunapurapi causacpuramantapish huañushca animal aichata, mana cashpaca sacha animal huañuchishca aichata micushpaca, armarishpa churanata tacshanami can. Shina ruhuashpapish tutayangacamanmi mapa canga. Chai quipami mapa illac tucunga.

LEVÍTICO 16:26

Chivota Azazelman cungapac apac runapish armarishpa, churanata tacshanami can. Chaita ruhuashca quipami carpa huasiman yaicunga.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

EZEQUIEL 36:29

Cancunamantaca tucui mapatami anchuchisha. Yarcai ama tiyachunca achca trigotami pucuchisha. Yarcaica ña mana ashtahuan tiyangachu.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

ISAÍAS 22:14

Tucuita Mandac Dios ñuca ringripi rimashpaca: «Cai juchata ruhuashcataca cancuna huañungacaman manatac perdonashachu» nirca. Chaitaca tucuita Mandac Diosmi nirca.

ISAÍAS 1:16

Jahuarichic, picharichic. Cancuna mana allita ruhuashcataca ñuca ñaupamanta anchuchichic. Mana allita ruhuanata saquishpa,

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

SALMOS 26:6

Mandac Dioslla, ñuca ima millaita mana ruhuashcamantami, maquita jahuarishpa cambac altar muyundiman risha.

NÚMEROS 19:22

Mapayashca runa tuparishcaca imapipish mapami canga. Mapayashca runapi maijan tuparicpish mapami canga” ninmi nishpa mandai» nirca.

NÚMEROS 19:10

Uchupata pallac runapish paipac churanata tacshanami can. Shinallatac tutayangacamanmi mapa canga. Cai mandashcataca israelcunapish, shuctac llactamanta shamushpa, paicunahuan causaccunapish huiñaita pactachichun mandashcami.

LEVÍTICO 16:28

Chaicunata rupachicpish armarishpa, churanata tacshanami can. Shina ruhuashpami carpa huasiman yaicunga.

LEVÍTICO 14:27

Chaimanta alli maqui dedohuan japishpami canchis cutincaman Mandac Diospac ñaupapi chirapanga.

LEVÍTICO 13:34

Canchis punzha tucucpica, chai ungüitaca curami alli ricunga. Sisu mana mirarishpa, ucucaman mana cacpica, chai runataca “mapa illacmi cangui” ninga. Chai ungushcaca churanata tacshashpami, mapa illac saquiringa.

LEVÍTICO 13:6

Canchis punzha tucucpica, cutinllatacmi chai runataca ricunga. Chai sisushca mana ashtahuan mirarishca, mana yanayashca cacpica, curallatacmi: “Mana mapa ungüichu” ninga. Chai ungushca runaca paipac churanata tacshashpami, mapa illac saquiringa.

LEVÍTICO 11:32

Chai huañushca animal imapi tuparishpaca mapayachinmi. Chaica, caspimanta ruhuashca cashpapish, churana cashpapish, caramanta cashpapish, cushtal cashpapish, trabajana herramienta cashpapish mapayangami. Chaicunataca yacupimi satina canguichic. Shinallatac tutayangacamanmi mapa canga. Chai quipami chuya saquiringa.

LEVÍTICO 11:28

Maijanpish chai huañushca animalta apashpaca, paipac churanata tacshanami. Shinallatac tutayangacamanmi mapa canga. Chai animalcunataca mapa cashcata yuyanguichic.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

LEVÍTICO 15:4

Yurac yacu cachariricuc runa siririshca camapish, imapi pai tiyarishcapish mapami tucun.

LEVÍTICO 15:6

Chai runa tiyarishcapi maijan tiyaricpish armarishpa, churanata tacshanami can. Shina ruhuashpapish tutayangacamanmi mapa canga.

1 SAMUEL 20:26

Chai punzhaca David illacta ricushpapish Saulca imata mana nircachu. Chaica: «Diospac ñaupapi ima mana allita ruhuashca cashpami manarac alli tucushca canga» yuyarcami.

LEVÍTICO 11:24

Chai animalcunapi tuparishpaca mapayanguichicmi. Maijanpish chai huañushca animalcunapi tuparicca tutayangacamanmi mapa canga.

LEVÍTICO 15:18

Shuc cari huarmihuan sueñucucpi, caripac yurac yacu cachariricpica, ishcaitami armarina can. Shina armarishpapish tutayangacamanmi mapa canga.