LEVÍTICO 15:12 - Dios Rimashcata Quillcashcami

¹² Yurac yacu cacharirishca runa allpa mangapi tuparicpica, chai mangataca paquinami can. Shinallatac caspi manga cacpica jahuanami can.

LEVÍTICO 15:12 Referans Kwoze

LEVÍTICO 6:28

Chai ofrenda aichata allpa mangapi yanushpaca, chai mangata paquinami can. Cutin bronce mangapi yanushca cashpaca, chai mangataca alli cacushpami jahuana can.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

PROVERBIOS 3:21

Ñuca huahualla, caicunataca yuyarangui. Mandashcatapish, cunashcacunatapish ama cungaringuichu.

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

PROVERBIOS 1:21

Achca gentecuna purina ñancunapimi caparishpa huillacun. Pueblo yaicunapi paipac yuyaicunata huillashpaca:

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

LEVÍTICO 15:11

Yurac yacu cachariricuc runa mana maquita jahuashpa, maijanpi tuparicpica, armarishpa churanata tacshanami can. Shina ruhuashpapish tutayangacamanmi mapa canga.

LEVÍTICO 6:21

Chaitaca aceitehuanmi sartenpi cusashpa, chaupishpa cuna can. Chaimi Mandac Dios ñucamanca mishquilla ashnanga.