LEVÍTICO 14:7 - Dios Rimashcata Quillcashcami

⁷ Chashnami lepra ungüihuan cacpac jahuapi canchis cutincaman chirapashpaca: “Mapa illacmi cangui” ninga. Chai quipaca causacuc zhutataca cacharishpami cachanga.

LEVÍTICO 14:7 Referans Kwoze

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

2 REYES 5:14

Shina nicpimi, Naamanca Diospac runa mandashca shinallatac canchis cutincaman Jordán yacupi armarirca. Chashna armarishpaca, huahuapac cuerpo shina ima ungüi illacmi saquirirca.

2 REYES 5:10

Chaipimi Eliseoca shuc runata cachashpaca: «Jordán yacupi canchis cutincaman armaringapac ri. Chashna armaricpica, aicha alli tucushpa, ungüi illac chuyanllami saquiringui» nirca.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

HEBREOS 9:19

Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

HEBREOS 9:13

Huagracunapac, chivocunapac yahuar shinallatac, altarpi becita rupachishca uchupata millaita ruhuacpac jahuapi shic-huacpi jahuallata chuyayachicpica,

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

HEBREOS 9:21

Dios-huan tupana huasipipish, Diosta yuyarina imallacunapipish chiraparcami.

SAN JUAN 19:34

Shina cashpapish, shuc soldadoca lanzahuanmi Jesuspac costillasta chugrichirca. Chai chugrimantaca yacupish, yahuarpish llucshircami.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

LEVÍTICO 16:22

Israelcunapac juchata apachishpami, pi mana causana shitashca pambaman apanga. Chai pambapimi chivotaca cacharinga.

LEVÍTICO 16:19

Dedota yahuarpi satishpami, chai altar jahuapi canchis cutin chirapanga. Shina ruhuashpami, israelcunapac juchacunata pichashpa, ñucapacllata ruhuanga.

LEVÍTICO 16:14

Chai quipaca Aaronca paipac dedota beci yahuarpi satishpami, Arca tapa jahuapi inti llucshic ladopi, chai tapa ñaupa ladopi canchis cutin chirapanga.

LEVÍTICO 14:51

Chaimantaca causacuc zhutata, cedro caspita, hisopo ramata, puca pañota, yacu jahuapi huañuchishca zhutapac yahuarpi satishpa, chai huasitaca canchis cutincaman chirapanga.

LEVÍTICO 13:17

Curami paitaca alli ricunga. Chai aicha cutin yuracyashca cacpica, curallatacmi: “Mapa illacmi cangui” ninga. Paica mapa illacmi saquiringa.

LEVÍTICO 13:13

Chashna cacpica, curallatacmi chai ungushcata allita ricunga. Tucui chai ungüi yuracyashca cacpica curallatacmi: “Mapa illacmi” ninga.

LEVÍTICO 8:11

Chai aceitellahuantacmi altar jahuapi canchis cutin chiraparca. Altarpi tiyaccunatapish, jatun pailatapish, pailata tiyachinatapish aceitehuan cahuishpami Diospacllata ruhuarca.

LEVÍTICO 4:17

Chai yahuarpi dedota satishpami, canchis cutincaman Diospaclla ucuta jarcashca pañopi, Mandac Diospac ñaupapi chirapanga.

LEVÍTICO 4:6

Chai yahuarpi dedota satishpami, Diospaclla chicanyachishca ucuta jarcachishca pañopi canchis cutin Mandac Diospac ñaupapi chirapanga.

NÚMEROS 19:12

Paica quimsa punzhapi, canchis punzhapi chuyayana yacuhuan armarishpami chuya saquiringa. Quimsaniqui punzhapish, canchisniqui punzhapish mana armarishpaca mapallatacmi canga.