LEVÍTICO 14:5 - Dios Rimashcata Quillcashcami

⁵ Allpa mangapi callpacuc yacuta churashpami, chaipica ishcai zhutacunamantaca shucta huañuchichun mandanga.

LEVÍTICO 14:5 Referans Kwoze

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

LEVÍTICO 14:50

Ishcai zhutacunamanta shuctaca allpa mangapi callpac yacuta churashpami, chaipi huañuchinga.

2 CORINTIOS 13:4

Ari, paica imatapish mana ruhuaipac shinami, cruzpi chacatashca carca. Shina cashpapish poderta charic Diosmantami causacun. Chai shinallatacmi ñucanchicca Cristo shina, imatapish mana ruhuaipac shina canchic. Shina cashpapish paihuan shuc shinalla tucushpami, Diospac poderhuan cancunapac allipac causashun.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

NÚMEROS 5:17

Chai quipami curaca allpa vasopi ñucapaclla chicanyachishca yacuta japishpa, ñucahuan tupana huasi ucu pambamanta ñuto allpata japishpa, chai yacupi churanga.

LEVÍTICO 14:4

chuyanlla saquirichunmi, ishcai uchilla micuna zhutata, cedro caspita, puca pañota, hisopo sacha ramata apamuchun mandanga.

LEVÍTICO 14:6

Chai quipaca chai causacuc zhutata, cedro caspita, puca pañota, hisopo ramata japishpa, chai yacu jahuapi huañuchishca zhuta yahuarpi causac zhutata satinga.