LEVÍTICO 13:45 - Dios Rimashcata Quillcashcami

⁴⁵ Lepra ungüihuan cashpaca, churanapish lliqui, umatapish mana taparishpa shimillata taparishpami: “Mapami cani, mapami cani” nishpa, caparishpa puringa.

LEVÍTICO 13:45 Referans Kwoze

MIQUEAS 3:7

Chaimantami huillaccunapish, adivinocunapish pingaihuan yuyai illac saquiringa. Ñucaca paicuna mañashcataca mana uyashachu. Chaimantami shimita taparinga» ninmi.

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

LAMENTACIONES 4:15

Gentecuna paicunata ricushpaca: «¡Mapayashcacuna anchurichic! ¡Anchurichic, ama tuparichicchu!» nishpami caparirca. Caita, chaita miticushpa ricpi, chai llactapi causaccunaca: «¡Caipica mana causai pudinguichicchu!» nircami.

SAN LUCAS 17:12

Shuc uchilla llactaman chayacucpimi, chunga lepra ungüihuan cac runacuna tupangapac llucshishpa, Jesuspac carullapi shayarirca.

EZEQUIEL 24:22

Cutin cancunaca ñuca ima shinami ruhuarcani chashnallatac ruhuanguichic. Cancunapac ñahuitapish ama taparinguichicchu, veloriopi micunatapish ama micunguichicchu.

LEVÍTICO 21:10

Cancunapuramanta aceitehuan cahuishca, shinallatac ñucapaclla chicanyachishca churanata churarishca mandac cura cashpaca, mana acchata cacharishcachu purina can. Churanatapish mana lliquirinachu can.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

SALMOS 51:3

Canta mana cazushcataca shungumantami llaquirini. Chai juchata ruhuashcaca yuyachicunllami.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

JEREMÍAS 36:24

Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

LEVÍTICO 13:44

lepra ungüihuanmi canga. Chaimanta paica mapami canga. Umapi lepra ungüita charishcamantaca curallatacmi: “Mapa ungüi” ninga.

2 REYES 7:3

Samaria pueblo yaicunapimi lepra ungüi japishca chuscu runacuna tiyarca. Paicunami caishuc chaishuc parlanacushpaca: —¿Ima nishpatac caipica huañuita shuyashpa tiyacunchic?

NÚMEROS 5:2

«Israelpuramanta maijan lepra ungüihuan cacpi, yurac yacu cacharirishca cacpi, huañushcapi tuparishpa mapayashca cacpica, carpa huasimanta caruman llucchishpa cachachun mandangui.