LEVÍTICO 11:24 - Dios Rimashcata Quillcashcami

²⁴ Chai animalcunapi tuparishpaca mapayanguichicmi. Maijanpish chai huañushca animalcunapi tuparicca tutayangacamanmi mapa canga.

LEVÍTICO 11:24 Referans Kwoze

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

ISAÍAS 22:14

Tucuita Mandac Dios ñuca ringripi rimashpaca: «Cai juchata ruhuashcataca cancuna huañungacaman manatac perdonashachu» nirca. Chaitaca tucuita Mandac Diosmi nirca.

LEVÍTICO 11:31

Pambata aisarishpa puric animalcunamantaca tucui chaicunami mana micuna animalcuna. Maijanpish chai huañushca animalcunapi tuparicca tutayangacamanmi mapa canga.

LEVÍTICO 11:8

Chai animaltaca ama micunguichicchu, huañushcapipish ama tuparinguichicchu. Mana micunachu.

LEVÍTICO 11:23

Ashtahuanpish pambata saltashpa puric chuscu chaquiyuc animalcunataca millanami canguichic.

LEVÍTICO 11:25

Chai huañushca animalcunata maijanpish apashpaca churanata tacshanami. Shinallatac tutayangacamanmi mapa canga.

LEVÍTICO 22:4

Aaronpac huahua huahuapuramanta maijanpish lepra ungüihuan, mana cashpaca yurac yacu cacharirishca cashpa, manarac chuyayashpaca ñucapaclla chicanyachishcataca mana micui pudinchu. Huañushcapi, ima shuctac mapapi, yurac yacu cacharirishca runapi,

LEVÍTICO 5:2

Maijanpish mana yachashcamanta mapami nishcacunapi tuparishpaca mapayanmi. Chaica, sacha animal huañushcapi, charina animal huañushcapi, aisarishpa puric animal huañushcapi tuparishpa mapayashpaca, juchayucmi tucunga.

LEVÍTICO 7:21

Maijanpish mapa animalpi, mana cashpaca ima shuctac mapapi tuparishpa, mapayashca runa Mandac Dios-huan alli tucungapac cushca animal aichata micucca israelcunapuramanta anchuchishcami canga» nirca.

LEVÍTICO 14:46

Cura huichcachishca quipa chai huasiman maijanpish yaicucca tutayangacamanmi mapa canga.

LEVÍTICO 15:5

Pai siririshca camapi maijanpish tuparicca armarishpa, churanatapish tacshanami can. Shina ruhuashpapish, tutayangacamanmi mapa canga.

LEVÍTICO 15:6

Chai runa tiyarishcapi maijan tiyaricpish armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:7

Maijanpish yurac yacu cachariricuc runapac cuerpopi tuparicca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:8

Yurac yacu cachariricuc runa, mapa illac runapi tocacpica, chai runaca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:10

Maijanpish chai runa tiyarishcapi tiyaricca tutayangacamanmi mapa canga. Maijanpish chai runa tiyarinata apacca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:11

Yurac yacu cachariricuc runa mana maquita jahuashpa, maijanpi tuparicpica, armarishpa churanata tacshanami can. Shina ruhuashpapish tutayangacamanmi mapa canga.

LEVÍTICO 15:15

Curami shuctaca juchamanta cushpa, shuctaca tucui rupachinga. Chashnami yurac yacu cachariricuc runataca Mandac Diospac ñaupapi curaca chuyanllata ruhuanga.

LEVÍTICO 15:21

Maijanpish chai huarmi siririshca camapi tuparicca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:22

Maijanpish chai huarmi tiyarishcapi tiyaricca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:23

Chai huarmi sueñushca camapi, mana cashpaca tiyarishcapi tuparicca tutayangacamanmi mapa canga.

LEVÍTICO 15:27

Maijanpish chai camapi, mana cashpaca tiyarinapi tuparicca mapami canga. Chaimanta armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 16:26

Chivota Azazelman cungapac apac runapish armarishpa, churanata tacshanami can. Chaita ruhuashca quipami carpa huasiman yaicunga.

LEVÍTICO 16:28

Chaicunata rupachicpish armarishpa, churanata tacshanami can. Shina ruhuashpami carpa huasiman yaicunga.

LEVÍTICO 22:5

aisarishpa puric animalpi tuparishpaca mapami saquirin. Mapayashca runapi tuparicpish, mapami saquirin.

LEVÍTICO 22:6

Cura chaicunapi tuparishpaca chishicamanmi mapa canga. Cuerpota yacuhuan manarac armarishpaca ñucapaclla chicanyachishcataca mana micunachu can.

NÚMEROS 19:7

Chaimantaca paipac churanata tacshashpa, paipish armarishpami paipac causana carpa huasiman yaicunga. Chashna cashpapish tutayangacamanmi mapa canga.