LAMENTACIONES 5:7 - Dios Rimashcata Quillcashcami

⁷ Ñucanchic taitacunaca juchallishpami huañurca. Paicunamantami ñucanchicca llaquita apacunchic.

LAMENTACIONES 5:7 Referans Kwoze

JEREMÍAS 31:29

Chai punzhacunapica: “Taitacuna jayac uvasta micushcamantami, huahuacunaca quiruta nanachin” ña mana ashtahuan ningachu.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

EZEQUIEL 18:2

«Israel llactapi yuyaita cuc rimaicunata rimashpaca: “Taitacuna jayac uvasta micushcamantami churicunaca quiruta nanachin” nincunami. Chaica, ¿imatatac yuyachin?

JEREMÍAS 14:20

Mandac Dioslla, ñucanchicpish, ñucanchic taitacunapish canta mana cazushpa canta piñachishcata, mana allita ruhuashcata yuyarishpa llaquirinchicmi.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

JEREMÍAS 31:15

Mandac Diosca: «Ramá llactapi llaquihuan caparishpa huacashcami uyarirca. Chaipica Raquelmi paipac huahuacuna huañushcamanta yallita huacacurca. Pipish mana cushichi pudircachu» ninmi.

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

ZACARÍAS 1:5

¿Maipitac cancunapac ñaupa taitacunaca? Ñuca ima nishcata huillaccunaca, ¿huiñaitachu causanga?

JOB 7:21

¿Ima nishpatac ñuca mana cazushcata anchuchishpa, ñuca juchacunata perdonangui? Utcami uchupapimi sueñugrini. Ñucata can utca mashcacpipish ña mana ricurishachu» nirca.

JOB 7:8

Ñucata ricuccunapish mana ashtahuan ricungachu. Cambac ñahuihuan ñucata ricucpica, ñucaca ñami tucurisha.

GÉNESIS 42:13

Shina nicpimi paicunaca: —Canta servic ñucanchicca chunga ishcai huauquipurami canchic. Canaán llactapi causac shuc taitapac churicunami canchic. Ñucanchic quipa huauquica taitahuanmi huasipi saquirirca. Shucca ña chingarircami— nirca.

NÚMEROS 14:18

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

JEREMÍAS 16:11

Shina nicpica canca: “Mandac Diosca: Cancunapac taitacunami ñucata saquishpa, shuctac dioscunapac ñaupapi cungurishpa servirca. Chashnami ñucata cungarishpa, ñuca mandashcacunatapish mana pactachirca.

EZEQUIEL 16:58

Can millanacunata, pingaipaccunata ruhuashcamantaca llaquita apanami cangui. Chaitaca Mandac Dios ñucami nini.