LAMENTACIONES 4:7 - Dios Rimashcata Quillcashcami

⁷ Alli nishca runacunaca rasutapish, lechetapish yalli yuranllami carca. Ñahuica coraltapish yalli pucanllami carca. Cuerpoca zafiro rumi shinami carca.

LAMENTACIONES 4:7 Referans Kwoze

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

CANTARES 5:10

Ñuca cuyashcaca yuranllami. Ñahuipish pucallami. Chunga huaranga runacunapac chaupipi cashpapish ricsillami.

SALMOS 144:12

Ñucanchic churicunaca cunanlla huiñacuc yuracuna shina huiñachun. Ñucanchic ushicunapish mandana huasi pilarcuna shina sumac ricunalla cachun.

1 SAMUEL 16:12

Shina nicpimi, cayachun cachashca ña chayamucpica, ucuman yaicuchirca. Chai churica puca accha alaja ñahui sumac huambrami carca. Pai chayamucpimi, Mandac Diosca Samueltaca: —¡Paimi jatun mandac tucugrin. Jatarishpa paipac umata aceitehuan cahui!— nirca.

DANIEL 1:15

Ña chunga punzha tucucpica, paicunapac ñahuica jatun mandacpac micunata micuc mosocunapac ñahuita atishpa, ashtahuan sumac huira ñahuimi ricurirca.

JUECES 16:17

Chaimantami Sansonca ima shina yalli fuerzata charishcata huillashpaca: —Ñucaca, mamapac huicsamanta pachami Diospaclla chicanyachishca nazareo cani. Chaimanta ñuca acchataca jaicapi navajahuan mana pitircanichu. Ñuca uma acchata pitichishpaca irquiyashpa fuerzata chingachishpami shuctac runacuna shina casha— nirca.

JUECES 13:7

Shina cashpapish paica: “Riqui, canca huicsayuc tucushpami shuc cari huahuata charigringui. Chaimanta cunanca ima vinotapish, ima machana yacutapish ama ubianguichu. Shinallatac ima mapayachic micunatapish ama micunguichu. Chai huahuaca mamapac huicsamanta pachami huañungacaman nazareo canga” nircami» nirca.

JUECES 13:5

Cunanca huicsayuc tucushpami, huahuata charigringui. Chai huahuataca acchatapish ama pitinguichu. Chai huahuaca mamapac huicsamanta pachami nazareo canga. Paimi israelcunataca filisteocunapac maquimanta quishpichinga» nirca.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

ÉXODO 24:10

israelcunata Mandac Diosta ricurca. Paipac chaqui ucupica jahua pacha achic nicuc shina, zafiro rumihuan allichishcami carca.

JOB 28:16

Yachaitaca Ofir llacta curihuanpish, sumac ónice, zafiro, rumihuanpish mana randipacchu can.

JOB 28:18

¡Chai yachaica coraltapish, perlastapish yalli valishcami! Alli yachaica achic nicuc rumitapish yallimi.

CANTARES 5:15

Paipac changacunaca curi basapi mármol pilarcunata shayachishca shinami. Paica Líbano urcu shina jatunmi. Chai urcupi tiyac tucuita yalli cedro yuracuna shina sumacmi.