LAMENTACIONES 4:1 - Dios Rimashcata Quillcashcami

¹ ¡Curipish ima shinami yanayashca! ¡Sumac curipish ima shinami mapayashca! Diospac huasi rumicunapish, calle esquinacunapimi shic-huashca siricun.

LAMENTACIONES 4:1 Referans Kwoze

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

SAN MATEO 24:2

Chashna ricuchicpimi Jesusca: —¿Tucui caicunallata ricushpachu mancharicunguichic? Caipica, shuc rumillapish mana saquiringachu, tucui urmachishcami canga. Chaica chashnatacmi tucunga— nirca.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

MARCOS 13:2

Chashna nicpimi Jesusca: —¿Cai jatun huasicunallata ricushpachu mana mancharicungui? Caipica shuc rumillapish mana saquiringachu, tucuimi urmachishca canga— nirca.

EZEQUIEL 22:18

«Huañunalla runa, israelcunaca ñucamanca hornopi bronceta, estañota, fierrota, plomota shitacpi, chicanyashca mapa shinami.

MIQUEAS 1:6

Mandac Diosca: «Chaimantami Samaria llactataca rumi montonta shina ruhuashpa, uvas tarpuna allpata ruhuasha. Pircashca rumicunataca pugru pambamanmi caita, chaita singuchishpa cachasha.