LAMENTACIONES 3:3 - Dios Rimashcata Quillcashcami

³ Piñashpami, cutin cutin paipac maquihuan llaquichirca.

LAMENTACIONES 3:3 Referans Kwoze

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 1:25

Ñucaca canhuan yallita piñarishpami, lejiahuan cambac juchacunata jahuashpa, tucui millaicunata anchuchisha.

JOB 31:21

taita mama illac huahuata pueblo pungupi ñuca maquihuan mana ayudashca cacpica,

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

SALMOS 38:2

Chaica cambac flechacunaca ñucapimi urmarca. Cambac maquipish ñuca jahuapimi ñiticun.

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

JOB 16:12

Ñuca sumacta causacucpimi, ñutuchic shina saquirca. Cungamanta japishpami pitinacuc shina ruhuarca. Lanzahuan shitangapac ricuchic shinatami ruhuarca.

JOB 19:21

¡Ñuca ricsishcacunalla ñucata cuyaichicyari! ¡Ñucata cuyaichicyari! Diospac maquimi ñucapi tuparishca.