LAMENTACIONES 3:11 - Dios Rimashcata Quillcashcami

¹¹ Shuctac ñanta pushashpami, ñutuchishpa saquirca.

LAMENTACIONES 3:11 Referans Kwoze

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

LAMENTACIONES 1:13

Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

SAN MATEO 23:38

Chaimantami cambac huasica shitashca saquiringa.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

DANIEL 7:23

Chai Yuyac Runaca: “Chai chuscuniqui animalca cai pachata chuscuniqui jatun mandactami nisha nin. Chai mandacca caishuc jatun mandaccunamanta chican mandacmi canga. Paica tucui cai pachatami trillac shina, polvoshpa tucuchinga.

JEREMÍAS 32:43

Shinallatac cancuna: “Cai llactapica gentecunapish, animalcunapish mana tiyanchu. Shitashca pambami. Cunanca caldeocunapac maquipimi” nicucpipish, cai llactallapitac allpata randingacunami.

JEREMÍAS 19:8

Chai llactataca tucuipac mancharinata, burlashpa asinatami ruhuasha. Pipish chaita pasashpaca, yallita mancharingami, shinallatac chai llacta llaqui tucushcamanta burlashpa asingami.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

JOB 16:7

Diosmi ñucataca yallita shaicuchishca. Tucui ñuca ricsishcacunatami caruyachishca.

SALMOS 143:4

Ñucapi cac almaca yallita llaquihuanmi huañucun. Ñuca shunguca llaquihuanmi upayashca.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

LAMENTACIONES 3:10

Mandac Diosca oso chapacuc shina, león pacallapi chapacuc shinami carca.