LAMENTACIONES 2:9 - Dios Rimashcata Quillcashcami

⁹ Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

LAMENTACIONES 2:9 Referans Kwoze

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

NEHEMÍAS 1:3

Paicunaca: «Prezu apacucpi miticushpa, chai llactallapitac saquirishca runacunaca llaquitami pingaihuan cancuna. Jerusalén muyundi pircaca urmachishcami, pueblo pungucunapish rupashcami» nircacuna.

2 CRÓNICAS 15:3

Israelcunaca unaitami causac Dios illac, yachachic curacuna illac, Dios mandashcacunapish illac causarcacuna.

JEREMÍAS 51:30

Babilonia sinchi soldadocunaca macanacunata saquishpami, jatun torre ucucunapi miticushca. Fuerza illac saquirishpami, huarmicuna shina tucushca. Paicunapac huasicunaca rupashcami. Llacta pungu aldabacunapish paquirishcami.

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

EZEQUIEL 17:20

Ñucaca paipac jahuapi linchita shitashpami japisha. Ñucata mana cazushpa millaita ruhuashcamantaca Babilonia llactaman apashpami taripashpa llaquichisha.

EZEQUIEL 12:13

Ashtahuanpish paipac jahuapi linchita shitashpami, ñuca tucllapi urmachisha. Chaimantaca caldeocuna causana Babilonia llactaman apachunmi saquisha. Llactataca mana ricungachu. Chaipimi huañunga.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

LAMENTACIONES 4:15

Gentecuna paicunata ricushpaca: «¡Mapayashcacuna anchurichic! ¡Anchurichic, ama tuparichicchu!» nishpami caparirca. Caita, chaita miticushpa ricpi, chai llactapi causaccunaca: «¡Caipica mana causai pudinguichicchu!» nircami.

LAMENTACIONES 1:3

Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

JEREMÍAS 52:14

Tucui paipac soldadocunahuanmi Jerusalén muyundi jatun pircacunataca tucui urmachirca.

JEREMÍAS 39:8

Caldeo soldadocunaca mandana huasitapish, Jerusalén huasicunatapish rupachircami. Muyundi jatun pircacunatapish urmachircami.

JEREMÍAS 39:2

Jatun mandac Sedequías chunga shuc huata, chuscu quilla, iscun punzhata mandacucpimi, Jerusalén muyundi jatun pircata tigrachishpa,

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

2 REYES 25:7

Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

OSEAS 11:6

Paicunapac llactacunapi causaccunataca espadahuan tucui huañuchishpami, jarcashca pircacunatapish polvonga. Paicuna mana allita yuyarishcamantami chashna tucuchinga.

AMÓS 1:5

Damasco pungu aldabacunatapish paquishami. Avén pambapi causaccunatapish, Bet-edén llactata mandaccunatapish tucuchishami. Siria llactapi causaccunataca Kir llactamanmi prezu apanga» ninmi.

DEUTERONOMIO 28:63

Mandac Diosca cancunata allita, achcata ruhuashpaca cushicurcami. Chashnallatacmi cancunata llaquichishpapish, tucuchishpapish cushicunga. Cancuna japishca allpamantaca anchuchishcami canguichic.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

ISAÍAS 24:12

Llactacunaca llaquitami tucurishca. Pungucunapish tucui paquirishpa urmashpami siricun.