LAMENTACIONES 2:16 - Dios Rimashcata Quillcashcami

¹⁶ Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

LAMENTACIONES 2:16 Referans Kwoze

SALMOS 35:21

Ñucata yallita shimita pascashpa rimashpaca: «¡Aja, ñucanchic ñahuihuantacmi ricunchic!» nincuna.

LAMENTACIONES 3:46

Tucui piñaccunami ñucanchicta mana alli nishpa riman.

SALMOS 56:2

Ñucata piñaccunaca punzhantami llaquichincuna. Jatun tucushpami huaicashpa ñucata huañuchishun nincuna.

SALMOS 37:12

Diosta mana manchac runaca cashcata ruhuac runataca quirucuna canirishpami piñan.

JEREMÍAS 51:34

Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

SALMOS 124:3

causactami tucuchinman carca. Paicunaca nina japiric shinami ñucanchic-huanca piñarirca.

SALMOS 35:16

Burlashpami yallita llaquichirca. Ñucata piñashpami quirucuna caniricurca.

SALMOS 22:13

León piñarishpa shimita pascac shinami ñucata piñashpa rimancuna.

HECHOS 7:54

Esteban chashna nicpimi, chai mandaccunaca quirucuna canirishpa, yallita piñarirca.

OSEAS 8:8

¡Israel llactaca tucuchishcami canga! Ñallami shuctac llactacunapac chaupipica paya manga shina tucunga.

EZEQUIEL 36:3

Chaimanta llaqui tucunata huillashpa, Mandac Diosca: Cancunataca tucui ladomanta shamushpa, muyunacushpami tucuchinga. Shuctac llactamanta shamushpami japinga. Cancunataca gentecuna burlana, mana alli ninatami ruhuanga.

EZEQUIEL 25:15

Mandac Diosca: Filisteocunaca utcapi piñanacushcata mana cungarishpa, chai yuyailla puricushpami Judá llactata llaquichirca. Chaimantami yallita piñarishpa llaquichirca.

EZEQUIEL 25:6

Mandac Dios ñucaca: Israel llactata burlashpa, maquita huactashpa, saltashpa asircanguichicmi.

EZEQUIEL 25:3

amonitacunataca: “Mandac Dios rimashcata uyaichic. Paica: Ñucapaclla huasita yangapi churashcatapish, Israel llactata llaquinayaita tucuchishcatapish, Judá llactapi causaccunata prezu apashcatapish ricushpaca: ‘¡Allita chashna tucurca!’ nircanguichicmi.

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

JEREMÍAS 50:7

Ñuca ovejacunataca pipish tarishpaca huañuchircami. Paicunata piñaccunaca: “Caicunata huañuchishcamantaca mana faltayucchu canchic. Paicunallatacmi cuidashpa causac Mandac Diosta mana cazurca. Paicunapac ñaupa taitacuna shunguta churashpa causana Mandac Diostami piñachirca” nirca.

ISAÍAS 49:19

Cambac llactaca tucuchishca, chingachishca shitashca pamba cacpipish, cunanca achca gentecunami jundanga. Canta tucuchiccunaca carupimi canga.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

SALMOS 109:2

Canta mana ricunayachic runapish, umac runapish ñucata piñashpa rimarcami. Ñucata llaquichingaraicumi llullarca.

SALMOS 57:3

Pai Diosmi jahua pachamanta cashcata nic, llaquic cashcata ricuchishpa ñucata huañuchisha niccunamanta quishpichinga.

SALMOS 41:8

«Mana cuchuyaipac millai ungüimi japishca. Cai ungüi maijanta japicpica, mana jataringachu» nincunami.

SALMOS 35:25

Paicunapac shungupipish: «¡Aij, ñucanchicca chashna cachunmi munarcanchic!» nishpa: «Paitaca tucuchishcanchictacmi» nichunca ama saquichu.

JEREMÍAS 29:18

Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

EZEQUIEL 23:32

Chaimantami Mandac Diosca: Cambac ñañaman cushca ubiana shina llaquillahuantacmi llaquichisha. Chai ubiana vasoca ancho, shinallatac jatunmi can. Shuctac llactapi causaccunaca burlashpami cantaca asinga.

MIQUEAS 4:11

Cunanca, achca llactacunami canta llaquichingapac tandanacushpa: «¡Sionta sarushpa yangallata ruhuashpa, tucuchishcataca ñucanchic ñahuihuantacmi ricusha ninchic!» nincuna.