LAMENTACIONES 2:11 - Dios Rimashcata Quillcashcami

¹¹ Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

LAMENTACIONES 2:11 Referans Kwoze

LAMENTACIONES 1:20

Mandac Dioslla, ñuca yallita llaquirishpa, shunguta nanachicuctaca ricuiyari. Canta mana cazushcata yuyarishpami ñuca shunguca yallita llaquirishpa nanacun. Canzhapica espadami gentecunataca tucuchicun. Ucupica huañuillami tiyan.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

JOB 16:13

Paipac flechata shitac runacunami ñucataca muyushpa shayarircacuna. Mana llaquishpami ñuca riñoncunatapish pasachinacushca. Chashna ruhuacpimi ñuca hielpish pambapi tallirirca.

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

SALMOS 6:7

Huacacucllapitacmi ñahuipish amsayan. Ñucata piñaccuna huacachicpimi, ñuca ñahuica amsayashpa ña mana ashtahuan ricun.

SAN LUCAS 23:29

Chaica: “Huahuata mana chari pudic, mana huicsayuc tucuc, mana chuchuchic huarmicunapish cushicuichic” nina punzhacuna chayamungami.

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

JEREMÍAS 8:19

¡Ñuca llactapi causaccuna caparishcaca caru llactacamanmi uyarin! Mandac Diosca: «¿Manachu Sionpi? Sionta jatun mandacca, ¿manachu chaipi?» nirca. Chaimantami Mandac Diosca: «¿Ima nishpatac imamanpish riccha dioscunata, shuctac llacta yanga dioscunata adorashpa, ñucata piñachircanguichic?» nirca

SALMOS 69:3

Cunga nanangacaman caparishpami, yallita shaicushcapish cani. Ñuca Diosta shuyacucllapimi ñahuipish amsayan.

SALMOS 31:9

Mandac Dioslla, llaquihuanmi cani, ñucata llaquiyari. Chashna llaquihuanmi ñuca ñahuicunapish, ñuca almapish, cuerpopish irquiyashca.

1 SAMUEL 30:4

Chaita ricushpami Davidpish, paihuan puric runacunapish huacanata mana pudingacaman caparishpa huacarca.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

JOB 30:27

Ñuca cuerpoca yallitami nanaihuan. Tucui chai nanaicunaca manatac anchurinchu. Ñucamanca llaqui punzhacunami chayamushca.

SALMOS 38:8

Ñucaca yallita irquiyashca tucui aicha polvoshca, shungu nanaihuanmi caparicuni.

SALMOS 119:82

Can nishcata pactachingapac shamucta shuyashpa, ñahui amsayashpaca: «¿Ima horastac ñucata cushichingapac shamunguiyari?» nircani.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

LAMENTACIONES 1:11

Tucui gentecunami huacashpa micunata mashcashpa purincuna. Yarcaihuan mana huañungapacmi paicunapac sumac charishcacunata micunahuan cambiarca. Chaimantami: “¡Mandac Dioslla, ñucanchicta mana ricunayachishpa, llaquichiccunata ricuiyari!” nicun.