LAMENTACIONES 2:1 - Dios Rimashcata Quillcashcami

¹ ¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

LAMENTACIONES 2:1 Referans Kwoze

SALMOS 132:7

¡Dios-huan tupana huasiman jacuchic! Chaiman yaicushpa paipac chaqui saruna ñaupapi cungurishunchic.

1 CRÓNICAS 28:2

Chashna tandachishpami Davidca: «Ñuca huauquicunalla, ñuca pueblopi causaccunalla, caita uyaichic. Mandac Dios ari nishca quillcata huacaichina Arcata huacaichingapac, shinallatac Paipac chaquita chaipi churachunmi ñuca shungupi shuc huasita ruhuanata munarcani. Chaimantami chai huasita ruhuangapac ña tucui allichircani.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN MATEO 11:23

Capernaúm pueblopi causaccuna, ¿jahua pachaman rishunmi yuyanguichicchu? Ashtahuanpish ucu pachamanmi shitashca canguichic. Cancunapac pueblopi milagrocunata ruhuashca shina, Sodoma pueblopi ruhuashca cacpica, cunan punzhacamanmi tiyanman carca.

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

EZEQUIEL 30:18

Jatun tucushca Egipto llactata llaquichicui punzhami Tafnes llactapica punzha tutayanga. Chaipimi jatun tucushca mandacca tucuringa. Chai llactataca manchana puyumi tapanga. Muyundi uchilla llactapi causaccunataca prezumi apanga.

SALMOS 99:5

¡Ñucanchicta Mandac Diostaca jatunyachichicyari! Pai jucha illac cashcamantaca paipac chaqui ñaupapi cumurichicyari.

SAN LUCAS 10:15

Capernaúm pueblopi causac, cancunaca jahua pachamantami yuyacunguichic, ashtahuanpish ucu pachamanmi shitashca canguichic» nirca.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

LAMENTACIONES 4:1

¡Curipish ima shinami yanayashca! ¡Sumac curipish ima shinami mapayashca! Diospac huasi rumicunapish, calle esquinacunapimi shic-huashca siricun.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

2 SAMUEL 1:19

«¡Aij, sumaimana Israel-lla, cambac urcu jahuallapitacmi huañushca! ¡Ima shinachari cai sinchi runacunaca huañurca!

1 SAMUEL 4:21

Paica: «Sumac achiclla Diosca israelcunamanta anchurishcami» nishpami chai huahuataca Icabodta shutichirca. Diospac Arcata quichushcamanta suegropish, paipac cusapish huañushcamantami chashnaca shutichirca.

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

EZEQUIEL 19:12

Shina cacpipish, piñarishpami pitishpa pambaman shitarca. Inti llucshina ladomanta huaira shamushpami, granocunataca chaquichirca. Sinchi ramacunaca chaquichircami, shinallatac ninami rupachirca.

1 SAMUEL 4:22

Shinallatac: «Diospac Arcata quichushpa apashcamantaca sumac achiclla Diosca israelcunamanta anchurishcami» nirca.

SALMOS 89:45

Huambrarac causana huatacunatapish ashallayachishcanguimi. Churanahuan pilluc shinami pingaihuan pillushcangui.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

LAMENTACIONES 4:11

Mandac Diosca nina japiric shina yallita piñarishpami yallita llaquichishpa pai munashcata ruhuarca. Sionpi ninata japichishpami, callari rumicunacaman tucuchirca.

EZEQUIEL 13:13

Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.