LAMENTACIONES 1:4 - Dios Rimashcata Quillcashcami

⁴ Sión fiestaman pipish mana ricpimi, chaiman rina ñancunapish llaquilla siricun. Pungucunapish shitashcami siricun. Curacunapish, solteracunapish llaquihuanmi yallita huacacun.

LAMENTACIONES 1:4 Referans Kwoze

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

JEREMÍAS 10:22

Uyaichic, Judá llactapi tiyac tucui llactacunata shitashca pambata saquingapacmi jahua llactamanta manchanayaita caparishca uyarimun. Cai llactacunataca shitashca pambapi puric chacal animalcuna causanatami ruhuanga.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

LAMENTACIONES 5:13

Mosocunataca cutana rumipi cutachunmi churarca. Huambracunaca yalli yantata aparishpami, chai yanta ucullapitac huañushca shina siricurca.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

LAMENTACIONES 5:14

Llacta pungucunapica pushac yuyaccunapish mana ricurinchu. Mosocuna cantashpa tocashcapish ña mana uyarinchu.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.