LAMENTACIONES 1:3 - Dios Rimashcata Quillcashcami

³ Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

LAMENTACIONES 1:3 Referans Kwoze

LAMENTACIONES 2:9

Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

JEREMÍAS 52:15

Soldadocunata mandac Nabuzaradanca Jerusalenpi causac huacchacunatapish, chai llactapi saquirishca gentecunatapish, Babilonia llactata jatun mandacpac parte tucushca gentecunatapish, chai llactapi causac artesanocunatapish apamuchun mandarcami.

JEREMÍAS 52:8

Ashtahuanpish caldeocuna catishpa rishpami, jatun mandac Sedequiastaca Jericó pambapi japirca. Paita japicpica, tucui soldadocunami shitashpa rirca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

2 REYES 25:21

Chaipimi Babilonia llactata jatun mandacca Hamat llactapi huañuchirca. Chashnami Judá llactapi causaccunataca paicunapac llactamanta caruman prezu aparca.

2 REYES 25:11

Soldadocunata mandac Nabuzaradanca chai pueblopi maijan saquirishca gentecunatapish, Babilonia llactata jatun mandac-huan tucushca gentecunatapish, huaccha gentecunatapish prezumi aparca.

2 REYES 25:4

Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

2 REYES 25:5

Ashtahuanpish caldeocuna catishpa rishpami, jatun mandac Sedequiastaca Jericó pueblo lado pambapi japirca. Paipac soldadocunaca tucuimi paita shitashpa, caita chaita rirca.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

LAMENTACIONES 4:15

Gentecuna paicunata ricushpaca: «¡Mapayashcacuna anchurichic! ¡Anchurichic, ama tuparichicchu!» nishpami caparirca. Caita, chaita miticushpa ricpi, chai llactapi causaccunaca: «¡Caipica mana causai pudinguichicchu!» nircami.

LAMENTACIONES 5:5

Yugota cungapi churashca shinami llaquita apacunchic. Mana samarishpami shaicushcalla causacunchic.