LAMENTACIONES 1:13 - Dios Rimashcata Quillcashcami

¹³ Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

LAMENTACIONES 1:13 Referans Kwoze

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

JOB 30:30

Ñuca aicha caraca yanayashpami urman. Ñuca tullucunapish rupacunmi.

EZEQUIEL 17:20

Ñucaca paipac jahuapi linchita shitashpami japisha. Ñucata mana cazushpa millaita ruhuashcamantaca Babilonia llactaman apashpami taripashpa llaquichisha.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

JOB 19:6

Diosllatac ñucata llaquichishpa, paipac linchipi japishcataca yachanami canguichic.

HEBREOS 12:29

Chaica, ñucanchic Diosca tucuita rupachic nina llama shinami.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

EZEQUIEL 12:13

Ashtahuanpish paipac jahuapi linchita shitashpami, ñuca tucllapi urmachisha. Chaimantaca caldeocuna causana Babilonia llactaman apachunmi saquisha. Llactataca mana ricungachu. Chaipimi huañunga.

SALMOS 66:11

Tucllapimi urmachircangui. Ñucanchic huashapica llashac quipitami churarcangui.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

OSEAS 7:12

Paicuna chaiman ricpimi, paicunapac jahuapi ñuca linchita shitashpa japisha. Volac animalcunata shinami urmachisha. Paicuna bullashpa shamucucta uyashpami llaquichisha.

EZEQUIEL 32:3

Chaimantami Mandac Diosca: Achca llactacunapac chaupipi cacpipish cambac jahuapi linchita shitashpami aisasha.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

LAMENTACIONES 1:22

Paicuna tucui mana allita ruhuashcacunaca cambac ñaupapi ricurichun. Ñuca canta mana cazushpa llaquichishca shinallatac paicunatapish llaquichiyari. Ñucaca yallitami llaquirini. Ñuca shungutapish nananmi.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

ISAÍAS 42:17

Ruhuashcalla dioscunata yuyarishpa causaccunaca yallita pingai tucushpami, huashaiman cutinga. Paicunaca yacuyachishpa, imamanpish ricchata ruhuashcataca: «Ñucanchic dioscunami canguichic» nincunami.

SALMOS 129:5

Sión pueblota mana ricusha niccunaca tucui mashna pingaihuan huashaiman cutishca cachun.

SALMOS 35:4

Ñucata huañuchisha niccunaca burlashpa pingaichishca cachun. Ñucata llaquichingapac yuyarinacuccunaca pingaichishpa huashaiman callpachishca cachun.

SALMOS 31:10

Ñuca causaica nanaihuanmi tucuricun. Shungupi llaquiricushpami huatacunatapish tucuchicuni. Ñuca juchacunamantami irquiyashpa tullucaman tucuricuni.

JOB 18:8

Paipac chaquillatacmi tucllapi urmachinga. Chai tucllapimi churarishpa saquiringa.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.

SALMOS 38:8

Ñucaca yallita irquiyashca tucui aicha polvoshca, shungu nanaihuanmi caparicuni.

SALMOS 140:5

Chai jatun tucushca gentecunaca ñucata urmachingapacmi linchitapish, chacnarina huascacunatapish churashca. Ñuca ñan cuchupimi chacnarishpa urmanata churashca.

ÉXODO 12:9

Chai aichataca chahuatapish, yacuhuan yanushcatapish mana micunachu, ashtahuanpish umacunandi, chaquicunandi, chunzhullindi ninapi cusashpami micuna canguichic.

LAMENTACIONES 3:11

Shuctac ñanta pushashpami, ñutuchishpa saquirca.