JUECES 9:20 - Dios Rimashcata Quillcashcami

²⁰ Mana chashna cacpica, Abimelecmanta nina llucshishpa Siquem pueblopi causaccunatapish, Milo pueblopi causaccunatapish tucui rupachichun, shinallatac cancunamanta nina llucshishpa Abimelecta tucuchichun» nirca.

JUECES 9:20 Referans Kwoze

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.

SALMOS 140:10

Paicunapac jahuapica rupacuc nina urmachun. Maita mana llucshipac nina jatun jutcupi shitashca cachun.

SALMOS 28:4

Paicuna ruhuashca shinallatac llaquichiyari. Paicuna millaita ruhuashcamantaca chashnallatac llaquichiyari. Paicunapac maquihuan imata ruhuashca shinallatac llaquichiyari.

JUECES 9:23

Chai quipaca Mandac Diosca Siquem pueblopi causaccunahuan, Abimelec-huan piñanacuipi churachunmi, millai espirituta cacharca.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.

JUECES 9:6

Chai quipaca, tucui Siquem pueblopi causaccunaca Bet-milopi causaccunandi tandarishpami encina yura cuchupi Diosman cuna rumi cuchupi Abimelectaca mandac cachun acllarca.

JUECES 9:19

Cunanca, cancuna ñuca taita Jerobaaltapish, ñuca huauquicunatapish ima llaquita mana ruhuashpa allita ruhuashca yuyachicpica, cancunapish cancunata mandac Abimelec-huan, paipish cancunahuan alli cachun.

JUECES 9:21

Chashna nishca quipaca Jotamca paipac huauqui Abimelecta manchashcamanta Beer pueblopi causagrirca.

JUECES 9:44

Abimelecca paihuan cac soldadocunahuan rishpami yallita macanacushpa pueblo punguman chayarca. Cutin caishuc soldadocunaca pambacunapi causaccunatami huañuchicurca.