JUECES 8:6 - Dios Rimashcata Quillcashcami

⁶ Shina nicpimi, chai pueblopi mandaccunaca: —¿Ñucanchic cambac gentecunaman carangapacca mandac Zebapish, Zalmunapish ñachu cancunapac maquipi?— nirca.

JUECES 8:6 Referans Kwoze

1 REYES 20:11

Shina nicpimi, Israel llactata jatun mandacca: «Manarac macanacuiman llucshishpa, ña macanacuita atishca shinaca ama jatun tucushca caichu nigrichic» nirca.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

PROVERBIOS 18:23

Huaccha runaca sumactami riman, chayuc runaca sinchitami riman.

2 REYES 14:9

Shina cachacpimi, Israel llactata jatun mandac Joasca Judá llactata jatun mandac Amasiastaca «Líbano urcupi tiyac uchilla casha yurami, Líbano urcullapitac tiyac cedro yurataca: “Cambac ushita ñuca churihuan cazarachingapac cui” nichun cacharca. Ashtahuanpish Líbano urcumanta sacha animal shamushpami, uchilla casha yurataca sarurca.

JUECES 8:15

Chai quipaca Sucot pueblopi causaccunapacman rishpaca: «Riquichic, Zebapish, Zalmunapish caipimi. Paicunamantami ñucanchic-huanca: “¿Ñucanchic cambac shaicushca gentecunaman tandata carangapacca ñachu mandac Zebapish, Zalmunapish cancunapac maquipi?” nishpami burlarcanguichic» nirca.

JUECES 5:23

Mandac Diospac angelca: “¡Meroz pueblopi causaccunataca maldiciashca cachun!” nirca. Mandac Dios paipac sinchi runacunata macanacucucpi mana ayudangapac shamushcamanta “sinchita maldiciashca cachun” nirca.

GÉNESIS 37:28

chai catushpa, randishpa puric madianitacuna chaita pasacucpica, Josetaca jutcumanta llucchishpa, ismaelitacunaman ishcai chunga cullquipi catungapac apamurca. Chashna catucpica, Josetaca Egiptomanmi aparca.

GÉNESIS 37:25

Chai quipami paicunaca micungapac tiyarirca. Chashna micucushpami, huichailla ricushpaca, achca ismaelitacuna Galaad llactamanta sumac mishquilla ashnacucta, mirrata shinallatac balsamota camellocunapi apachishpa, Egiptoman ricucta ricurca.

GÉNESIS 25:13

Ismaelpac punta huacharishcamanta callarishpa churicunaca caicunami: Nebaiot, Cedar, Adbeel, Mibsam,

JUECES 8:5

Shina chayashpami, Sucot pueblopi causaccunataca: —Ñucahuan cac gentecunaca shaicushcami. Chaimanta asha tandata caraichic. Ñucanchicca madianitacunata mandac Zeba, Zalmunatami caticunchic— nirca.