JUECES 8:18 - Dios Rimashcata Quillcashcami

¹⁸ Chai quipaca Zebatapish, Zalmunatapish tapushpaca: —¿Cancuna Tabor urcupi, huañuchishca runacunaca, imalayatac carca?— nirca. Shina tapucpi paicunaca: —Paicunaca can shinami carca. Shinallatac tucui paicunami jatun mandacpac churicuna shina carca— nirca.

JUECES 8:18 Referans Kwoze

JUECES 4:6

Débora Neftalí aillucunapac Cedes pueblopi causac Abinoampac churi Baracta cayac cachashpaca: —Israelcunata Mandac Diosca: “Neftalipac, Zabulonpac aillucunamanta chunga huaranga macanacuc runacunata Tabor urcupi tandachi.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

SALMOS 89:12

Jahuaman tiyaccunatapish, uraman tiyaccunatapish canmi ruhuarcangui. Tabor urcupish, Hermón urcupish cambac shutitami cantangacuna.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

JUECES 8:5

Shina chayashpami, Sucot pueblopi causaccunataca: —Ñucahuan cac gentecunaca shaicushcami. Chaimanta asha tandata caraichic. Ñucanchicca madianitacunata mandac Zeba, Zalmunatami caticunchic— nirca.

JUECES 8:17

Shinallatac Peniel pueblopica jatun torreta urmachishpami, chai pueblopi causaccunatapish huañuchirca.

JUECES 8:19

Shina nicpimi Gedeonca: —¡Paicunaca ñuca mamamanta huauquicunami! ¡Mandac Diospac shutipimi nini: Paicunata mana huañuchishca cacpica, ñucapish mana huañuchimanchu!— nirca.

JUECES 4:12

Sisaraca Habinoampac churi Barac Tabor urcuman rishcatami yacharca.

2 REYES 1:7

Shina nicpimi, jatun mandacca: —Cancunahuan tupashpa, chashna nic runaca, ¿imalayatac carcayari?— nirca.

EZEQUIEL 23:15

Chai runacunaca chumbillishca, umacunapipish tauca color turbanteta churashcami carca. Tucui paicunami Caldeapi huacharishca shina, Babilonia llacta runacuna shina, soldadocunata mandaccuna shina carcacuna.