JUECES 8:10 - Dios Rimashcata Quillcashcami

¹⁰ Mandac Zebapish, Zalmunapish Carcor pambapimi paicunapac chunga pichca huaranga soldadocunahuan carca. Chai soldadocunallami inti llucshina ladomanta shamuc soldadocunamanta puchurca. Ashtahuanpish patsac ishcai chunga huaranga soldadocunami huañushca carca.

JUECES 8:10 Referans Kwoze

JUECES 7:12

Madianitacunapish, amalecitacunapish, inti llucshina ladomanta gentecunapish, chai pambapica langostacuna shinami achca carca. Shinallatac camellocunapish mama cuchapi tiyac tiyu shina maita mana yupaipacmi carca.

2 REYES 3:26

Moab llactata jatun mandacca macanacui sinchi tucucpimi, espadahuan macanacunata alli yachac canchis patsac soldadocunata tandachishpa, Edom llactata jatun mandac-huan macanacungapac shayarirca. Shina cashpapish mana pudircachu.

JUECES 20:46

Chai punzhaca Benjamín aillucunataca ishcai chunga pichca huaranga ashtahuan alli sinchi runacunatami huañuchirca.

JUECES 20:35

Chai macanacuita Mandac Dios ayudacpimi, chai punzhapica israelcunaca Benjamín aillucunataca ishcai chunga pichca huaranga shuc patsac espadahuan macanacunata alli yachac sinchi runacunata huañuchirca.

JUECES 20:25

Chai punzhapish Benjamín aillucunaca Gabaa pueblomanta llucshishpaca chunga pusac huaranga israelcunatami huañuchirca. Chai huañuc israelcunaca tucuimi espadahuan allita macanacunata yachaccuna carca.

JUECES 20:17

Benjamín aillumanta cac runacunata mana yupashpa israelcunallami chuscu patsac huaranga macanacunata alli yachac runacuna espadahuan carca.

JUECES 20:15

Chai punzhapica Benjamín aillucunaca ishcai chunga sucta huaranga runacunami tucui pueblomanta llucshishpa tandanacurca. Paicunaca espadahuan allita macanacuc runacunami carca. Gabaa pueblopi cac canchis patsac soldadocunataca mana yupashcachu carca.

JUECES 20:2

Dios acllashcacunapac tandanacuipica, tucui Israel aillucunata pushaccunami carca. Espadahuan allita macanacuc runacunaca chuscu patsac huarangami carca.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

2 CRÓNICAS 28:8

Israelcunaca Judá llactapi causac paicunapac huauquicunapuramantami huarmicunata, huahuacunata, solteracunata ishcai patsac huarangata prezu aparca. Chaipac jahuapish achca charishcacunata quichushpami, Samaria puebloman aparca.

2 CRÓNICAS 28:6

Remaliaspac churi Peka soldadoca shuc punzhallami Judá llactapi causac patsac ishcai chunga huaranga soldadocunata huañuchirca. Chaicunaca ashtahuan sinchi soldadocunami carca. Paicunapac ñaupa taitacunata Mandac Diosmanta anchurishcamantami chashnaca huañuchirca.

2 CRÓNICAS 13:17

Chai macanacuipimi Abiasca paipac soldadocunahuan sinchita macanacushpa, pichca patsac huaranga acllashca Israel soldadocunata huañuchirca.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.

JUECES 8:11

Gedeón chaimanta rishpaca, Noba pueblomanta, Jogbeha pueblomanta inti llucshina ladota huichai rishpami, paicuna tiyacuc carpa huasicunaman cungailla yaicushpa macarca. Chai horasca mana paicunapac soldadocunaca cuidacurcachu.

JUECES 7:13

Gedeón madianitacunapac carpa huasiman chayashpaca, shuc runa pai muscushcata shuc runaman parlacuctami uyarca. Chai runa parlashpaca: —Riqui, shuc cebada tanda singumushpami, madianitacunapac carpa huasicunata huactarca. Chashna shuc carpa huasita huactashpaca tucui huasicunatami jahuamanta uraiman tucui tigrachirca— nirca.