JUECES 8:1 - Dios Rimashcata Quillcashcami

¹ Efraín aillucuna Gedeonta rimarishpaca: —¿Ima nishpatac madianitacunahuan macanacungapac rishpaca ñucanchicman mana huillac cacharcangui?— nirca. Shina nishpami sinchita rimarirca.

JUECES 8:1 Referans Kwoze

2 SAMUEL 19:41

Chashna cacpica, tucui israelcunami jatun mandacpacman shamushpaca: —¿Ima nishpatac ñucanchic huauqui Judá gentecunaca jatun mandactapish, paipac familiatapish, paita caticcunatapish shuhuac shina Jordán yacuta pasachircacuna?— nirca.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

JUECES 8:2

Chaimantami Gedeonca: —¿Ñuca ruhuashcaca cancuna ruhuashcahuan ricucpica, imatacyari? ¿Manachu Abiezer uvasta pallashca quipa Efraín cutin mashcashpa pallacpi, ashtahuan alli pallaringa?

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

2 SAMUEL 19:42

Shina nicpimi, Judá gentecunaca israelcunataca: —Jatun mandacca ñucanchic cuchulla familiami. Shina cashpapish, ¿imamantatac cancunaca piñaringuichic? ¿Ñucanchicca jatun mandacmantachu causanchic? ¿Mana cashpaca paimantachu imata japishcanchic?— nirca.