JUECES 7:12 - Dios Rimashcata Quillcashcami

¹² Madianitacunapish, amalecitacunapish, inti llucshina ladomanta gentecunapish, chai pambapica langostacuna shinami achca carca. Shinallatac camellocunapish mama cuchapi tiyac tiyu shina maita mana yupaipacmi carca.

JUECES 7:12 Referans Kwoze

JUECES 8:10

Mandac Zebapish, Zalmunapish Carcor pambapimi paicunapac chunga pichca huaranga soldadocunahuan carca. Chai soldadocunallami inti llucshina ladomanta shamuc soldadocunamanta puchurca. Ashtahuanpish patsac ishcai chunga huaranga soldadocunami huañushca carca.

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.

JUECES 6:3

Israelcuna imata tarpucpipish, madianitacuna, amalecitacuna inti llucshic ladomanta shamushpami llaquichic carca.

JOSUÉ 11:4

Chashna huillacpimi, paicunapish tucui macanacuc runacunandi llucshirca. Paicunaca mama cucha patapi tiyac tiyu shina achca gentecunami achca caballocunahuan, achca carretacunahuan llucshirca.

SALMOS 33:16

Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.

SALMOS 3:1

¡Mandac Dioslla, ñucata piñaccunaca yallitami mirarishca! Taucacunami ñucata llaquichingapac shayarincuna.

1 REYES 4:30

Salomonca inti llucshic ladopi causaccunata, Egiptopi causac alli yachaccunata ashtahuan alli yachacmi carca.

JUECES 6:33

Chai quipaca tucui madianitacunapish, amalecitacunapish inti llucshina ladopi causaccunapish tandanacushpami Jordán yacuta pasashpa Jezreel pambacunapi carpata shayachishpa tiyarirca.

JUECES 7:13

Gedeón madianitacunapac carpa huasiman chayashpaca, shuc runa pai muscushcata shuc runaman parlacuctami uyarca. Chai runa parlashpaca: —Riqui, shuc cebada tanda singumushpami, madianitacunapac carpa huasicunata huactarca. Chashna shuc carpa huasita huactashpaca tucui huasicunatami jahuamanta uraiman tucui tigrachirca— nirca.

1 SAMUEL 30:17

Chaipimi Davidca manarac alli achicyacpi macai callarishpaca, cayandi punzha chishiyangacaman chugrishpa huañuchirca. Chai runacunamantaca shucllapish mana atircachu. Ashtahuanpish chuscu patsac mosocunallami camellocunapi montashpa ati rirca.

JEREMÍAS 46:23

Chai llaquichic runacunaca langostacuna shinami maita mana yupaipac, mana yaicuipac jatun sachaman yaicushpa, yuracunata tigrachinga. Chaitaca Mandac Dios ñucami nini.

1 SAMUEL 13:5

Chaimantami filisteocunapish, israelcunahuan macanacungapac quimsa huaranga carretacunahuan, sucta huaranga caballopi ric soldadocunahuan, shinallatac mama cuchapi tiyac tiyu shina mana yupaipac achca gentecunahuan tandanacurca. Paicunaca Micmas puebloman huichai rishpami, carpa huasicunata shayachishpa tiyarircacuna. Chai puebloca Bet-avén pueblomantaca inti llucshic ladomanmi saquirin.

1 REYES 20:27

Shinallatac israelcunapish allichirishpami, imallata apashpa siriocunahuan macanacungapac rircacunacuna. Israelcunaca siriocunapac chimbapurapimi ishcaipi chicanyarishpa carpa huasicunata shayachishpa, tiyarircacuna. Siriocunaca jatun pamba jundami carca. Israel soldadocunaca ishcai corral chivocuna shinallami ricurircacuna.