JUECES 6:28 - Dios Rimashcata Quillcashcami

²⁸ Cayandi tutamanta chai pueblopi cusaccuna jatarishpa ricucpica, Baalpac altarpish, chai ladopi cac Asera huarmi diosta yuyarina yurapish urmachishca shinallatac quipa huagratapish, cunanlla ruhuashca altarpi tucui rupachishcatami ricurca.

JUECES 6:28 Referans Kwoze

JUECES 6:27

Chaimantami Gedeonca paita serviccunamanta chunga runacunata pushashpa Mandac Dios mandashca shinallatac ruhuarca. Ashtahuanpish paipac taitatapish, chai pueblopi causaccunatapish manchashcamantami tuta chashna ruhuarca.

JUECES 6:29

Chaimantami chai pueblopi causaccuna caishuc chaishuc tapunacushpaca: —¿Pitac caitaca ruhuarcayari?— ninacurca. Chashna tapushpa mashcacushpallatacmi: —Joaspac churi Gedeonmi chaitaca ruhuashca canga— nirca. Chashna ninacushpami pueblopi causaccuna Joastaca:

1 SAMUEL 7:9

Shina nicpimi, Samuelca chuchucuc huahua ovejata japishpa, Mandac Diosman cushpa, tucui rupachirca. Shina ruhuashpa Mandac Diosta tucui israelcunamanta mañacpica, Diosca uyarcami.

2 REYES 18:4

Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.