JUECES 6:1 - Dios Rimashcata Quillcashcami

¹ Israelcuna Mandac Diosta mana allita ruhuashpa piñachishcamantami Mandac Diosca madianitacunapac maquipi canchis huatata churarca.

JUECES 6:1 Referans Kwoze

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

GÉNESIS 25:2

Chai huarmimi Zimram, Jocsán, Medán, Madián, Isbac Súa huahuacunata charirca.

HABACUC 3:7

Cusán llacta carpa huasicunaca llaquilla cactami ricuni. Madián llacta carpa huasicunapish chucchunmi.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

GÉNESIS 37:28

chai catushpa, randishpa puric madianitacuna chaita pasacucpica, Josetaca jutcumanta llucchishpa, ismaelitacunaman ishcai chunga cullquipi catungapac apamurca. Chashna catucpica, Josetaca Egiptomanmi aparca.

NÚMEROS 22:4

Chaimantami Moabpi causaccunaca Madián llactata pushac yuyaccunata: «¡Cunanca, cai tucui gentecunaca huagracuna quihuata lambishpa micuc shinachari ñucanchictaca tucuchinga!» nirca. Chai punzhacunapica Moabpi causaccunataca Ziporpac churi Balacmi mandacurca.

JUECES 6:13

Shina nicpimi Gedeonca: —¡Ñuca amolla! Mandac Dios ñucanchic-huan cacpica, ¿imamantatac cashna tucunchicyari? ¿Ñucanchic ñaupa taitacuna: “Mandac Diosmi Egiptomanta llucchimurca” nishpa, cai tucui sumacta parlashcaca maipitacyari? Cunanca madianitacunapac maquipimari ñucanchictaca jichushca— nirca.

JUECES 10:7

Chaimantami Mandac Dios israelcunahuan nina japiric shina piñarishpa filisteocunapac maquipi, shinallatac amonitacunapac maquipi churarca.