JUECES 5:9 - Dios Rimashcata Quillcashcami

⁹ ¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!

JUECES 5:9 Referans Kwoze

JUECES 5:2

Israelcunata pushaccuna ñaupashpa rishcamantapish, quiquin munaihuan macanacuiman llucshishcamantapish ¡Mandac Diosta alli nichicyari!

2 CORINTIOS 9:5

Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

2 CORINTIOS 8:17

Ñuca ricugrichun mañacpica, paica uyashpami pai quiquinllatac cancunata ricugrina munaihuan cashpa, cunanca ricungapac ricun.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

2 CRÓNICAS 17:16

Chai quipaca Zicripac churi Amasiasmi ishcai patsac huaranga sinchi soldadocunata mandacurca. Paica, paipac munaimantami Mandac Diosta servisha nishca carca.

NEHEMÍAS 11:2

Quiquin munaihuan Jerusalenpi causangapac saquiriccunataca israelcunami bendiciarca.

2 CRÓNICAS 31:8

Ezequiaspish, mandaccunapish chai grano montoncunata ricungapac rishpaca, Mandac Diosta allimari cangui nishpami, Dios acllashca israelcunatapish bendiciarcacuna.

SALMOS 103:2

Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.